Kastriot Dervishi: Shënimet e tollonaxhiut për delet dhe pulat e kooperativistit

1980/Shënimet e tollonaxhiut për delet dhe pulat e kooperativistit

Nga Kastriot Dervishi

Kur partia vendosi t'i marrë shpirtin që i kish ngelur fshatarit, duke i hequr oborrin dhe bagëtinë, Enver Hoxha, pasi lexoi propozimet, më 14.4.1980 vendosi këto shënime:

a-Për oborrin kooperativist.

Ndarjes së oborrit kooperativist duhet t’i caktojmë një kufi: babai ta ndajë kopshtin vetëm me djalin e parë. Djemtë e tjerë nuk do të kenë tokë, do të jenë kooperativistë pa oborr. Pastaj kur babai do të vdesë, toka e tij i kalon kooperativës, kështu ikën ½ e oborrit e kur të vdesë edhe djali i parë, oborri likuidohet.

b-Bagëtia.

Bagëtia shkon bashkë me tokën, ndryshe ajo s’ka ku kullot. Prandaj kurora e parë e fëmijëve djem, të marrë nga babai edhe 10 kokë bagëti. Djemtë e tjerë që nuk do të kenë tokë, t’u lejojë statuti të blejnë 5 (jo 10) kokë dele dhe t’i tufëzojnë ato. (Në malësi që tani u kemi lënë më shumë dele dhe 1 lopë, të veprojmë me mënyra të tjera, por të ndiqet e njëjta rrugë si edhe në fushë).

Pulat dhe shpendët të qëndrojnë sikurse është paraqitur në materialin që po shqyrtojmë.

_______

Me punë të mëdha merrej udhëheqja. Qengjat dhe kecat i vendoste byroja kur shkëputeshin nga mëma. Procesi i tharjes së zorrës së popullit, i quajtur mdryshe tufëzim, ishte faza e fundit e degradimit të regjimit komunist. Vetë kasapi i madh, shoku Veri, merrej me këto punë.

_______

Serioziteti në studimin e veprave të shokut tollon, të cilat vit pas viti ishin plot kontradikta dhe mospërputhje, si rezultat e armiqve që shtoheshin gjithnjë.

_______

Bibat dhe gjelat e detit

Vendime të rëndësishme merrte në vitin 1980 qeveria e byroja për bibat dhe gjelat e detit, në funksion të tharjes së zorrës dhe filozofisë së kohës "Thanas, shtrëngo rripin".

_______

Gicat

Diskutime në byro në kohën e tharjes së fundit të zorrës. Viti 1980.