Mendime
Enver Bytyçi: Besoni te sinqeriteti i Milo Gjukanoviç dhe jo te mashtrimet e Edi Ramës!
E shtune, 30.07.2022, 07:22 PM
Besoni te sinqeriteti i Milo Gjukanoviç dhe jo te mashtrimet e Edi Ramës!
Nga
Enver Bytyçi
Presidenti
i Malit të Zi, Milo Gjukanoviç tha se Kosova dhe tre shtete të tjera do të
zhduken nëse nisma e Ballkanit të Hapur bëhet realitet.Sipas tij, qëllimi i
autorëve të idesë së “Ballkanit të Hapur” është zhdukja e Bosnjë-Hercegovinës,
Malit të Zi, Kosovës dhe Maqedonisë së Veriut. Dhe më tej, Gjukanoviç shtoi se
nisma do të përfundonte me “luftë dhe një gjenocid tjetër”.
Por
Edi Rama e kundërshtoi konstatimin e presidentit të Malit të Zi, Milo
Gjukanoviç. Si gjithnjë, kryeministri i Shqipërisë krijon beteja lufte në emër të Serbisë dhe
presidentit Vuëiq me këdo në Ballkan që paralajmëron rrezikun që paraqet Beogradi
për rajonin. Ai, një ditë pas deklaratës së presidentit malazez u shpreh se:
“me Ballkanin e Hapur, që është një projekt 100% i dakordësuar dhe 100% i
mbështetur pa asnjë rezervë nga SHBA, do të bëjmë të mundur që e shkuara, e
cila vazhdon të jetë kërcënim edhe sot, të mos jetë më kurrë kërcënim për
Ballkanin, por të jetë vetëm një thesar dijeje dhe mësimesh për sesi historia
nuk duhet të përsëritet"!
Kjo
deklaratë e Ramës është e pabesueshme edhe për mediokrit e historisë,
politologjisë dhe logjikës. Nga ana tjetër, Edi Rama në ëdo rast, për të
arritur qëllimin, nuk nguron të përdorë mjetin e rrenës dhe mashtrimit.
Historia politike e tij është historia e mendimit të kundërt me atë që bën.
Madje ai gjithnjë fsheh veprimin përmes gënjeshtrave të bukura. Dhe në fund na
thotë "përgjegjësia është personale", "nuk e dija",
"kisha qëllime të pastra", "mos më gjykoni, gabime bëjnë të
gjithë", e të tjera si këto!
Ajo
që duhet të na brengos lidhet me faktin se edhe Edi Rama e di e madje është
marrë vesh me prsidentin Vuçiq për ndarjen e Kosovës përmes Open Balkan e më
pas krijimin e Jugosllavisë së Re me Shqiprinë, Maqedoninë e Veriut, Malin e Zi
dhe Bosnjë-Hercegovinën brenda saj! E ndërkaq na servir "thesare dijesh e
mësimesh' nga Open Balkan. Na "garanton" se "historia nuk do të
përsëritet"! Pra na thotë se "e shkruara nuk do të jetë kurrë më
kërcënim" për rajonin!
Por
ama ne kurrë nuk dëgjuam nga Edi Rama t'u thotë shqiptarëve se "Open
Balkan është një asosacion që njeh jo vetëm shtetësinë e pavarësinë e Kosovës,
por garanton edhe integritetin territorial të saj"! Kurrë! Ai gjithmonë ka
lënë të kuptohet e nënkuptohet "për zgjidhje kompromisi", që
"Serbia të mos humbasë gjithëka e Kosova të mos fitojë gjithëka",
formulë kjo e presidentit të Serbisë, Aleksandër Vuçiq. Kryeministri i
Shqipërisë ka bllokuar rezolutën e opozitës shqiptare për të dënuar genocidin
serb në Kosovë dhe i kërkon Kosovës "të harrojë rrëmujat ballkanike të së
kaluarës", duke promovuar politikën e Vuëiq, sipas të cilit "Të
gjithë në Ballkan kanë bërë krime"! E në fakt është Serbia ajo që ka bërë
krime kundër shqiptarëve, krime të cilat janë ideuar, projektuar, ushtruar në
opraktikë dhe mbrojtur me propagandë nga ana e Sllobodan Milosheviç, Vojisllav
Shejshel, Aleksandër Vuçiq, Ivica Daçiq, Aleksandër Vulin e të tjerë që sot
drejtojnë shtetin e Serbisë.
Nuk
bëhet paqe duke justifikuar agresorin genocidist! Open Balkan ka këtë synim. Të
rehabilitojë plotësisht Serbinë dhe liderët kryesorë të saj, me qëllim që t'i
hapë rrugë rikthimit hegjemon të saj në rajon! Prandaj midis Milo Gjukanoviç
dhe Edi Ramës unë vlerësoj lart qëndrimin transparent e të sinqertë të
presidentit të Malit të Zi dhe dënoj mashtrimet e kryeministrit të Shqipërisë
për llogari të presidentit të Serbisë! Po! Open Balkan do të ëojë në një luftë
dhe genocid tjetër të Serbisë në Ballkan, sepse synon ndryshimin e hartës
politike të tij! Kjo është e vërteta!