Mendime
Xhemal Ahmeti: Abu Xhemal Bin Iliri i Vodovodit
E marte, 04.01.2022, 08:24 PM
ABU XHEMAL BIN ILIRI I VODOVODIT
Emrat
dhe njerëzit
Nga
Xhemal Ahmeti
Nga
tmerri dhe frika se do humben vektorët, bartësit e gjallë të shenjave të një
identiteti të mrekullueshëm siç e konsideroj unë kulturën shqiptare dikur u
përpoqa të ndrroj emrin - si apel që të ndalet turri i pagëzimit të fëmijëve me
emra të dy kulturave komplet tjera, të largëta e të huaja për shqiptarët, atë
arabe dhe atë turke. Sot plotë të rinj quhen Abu, Ebu, Kadaif, Elif, Xhebrail,
El Deve e të llojit. Ndërkaq flasin shqip - ashtu si prindët, gjyshët dhe
gjithë tjerët e tyre. Ky akulturim onomastik ndodhi për shkak të ideologjisë
religjioze të prindëve të tyre, të cilët përjetuan një trushpëlarje radikale
(dhe me asistencë materiale) nga imamët e paguar nga agjencitë e ndryshme
fanatike të Katarit, Turqisë, Saudisë e nga gjithandej. Çka tash? Pësuam
akulturim, regres, u humb kultura shqiptare? Jo. Se ne Xhemalat, Hashimat,
Kadriat, Gjonët, Samuelët, Gjokët, Stefanët, Hebibët dhe Xhymshitët jemi që nga
atëherë, atë herën e parë kur ua kthyem
... çdo pushtuesi sapo na hapte derën për "vizitë". Pra ky proces ka
qenë përherë e sa jemi si gjuhë e etni. Shqiptarët mbijetuan. Herë me dhunë
fizike e herë me atë psiqike na marrin nëpër këmbë për të na tjetërsuar, kjo
është historia jonë, si e plotë tjerëve të globit. Asht i dobët jemi në
përballim, mirëpo siç duket tepër i fortë për mbijetim. Madje nga përvoja e di
se ka Xhemalë që janë shumë më patriotë se Ilirë e të ngjashme (Ha). Ne duhet
të reagojmë ndaj këtyre dukurive sidomos kur e dijmë se janë ekspedita të
pështyra agjencish që nuk na duan të mirën (prandaj maqedonët, serbët kanqen
kot se besojnë kështu ta ruajnë shumicën nacionale përballë shumicave fetare e
jo kombëtare), mirëpo kjo nuk duhet të na japë të drejtën t'i linçojmë njerëzit
e së njejtës kulturë apo t'i përjashtojmë ata se pse quhen Denis, Habib, Mikel
apo Xhemaludin. Nëse ai thotë se megjithatë është shqiptar ne tjerët fatit i
qofshim falë dhe le t'ia japim një flamur dhuratë. Me përjashtimin e tyre vetëm
se ua rrisim xhematin atyre që paguhen për tjetërsime kriminele të llojit. Po
edhe nëse dikush nga ne vendos ta ndrrojë identitetin le ta ruajmë qoftë edhe
si të huaj - se nga gjuha s'ka ku ikë.