Jonian Memisha: Në rrethin vicioz të oligarkisë dhe segmenteve të kriminalizuara politike

Në rrethin vicioz të oligarkisë dhe segmenteve të kriminalizuara politike

Nga Jonian Memisha

Në Shqipëri ekzistojnë problematika të mprehta dhe të rënda me të cilat po ndeshen gazetarët dhe mediat në Shqipëri. Në këtë vend media ka pësuar një përkeqësim të vazhdueshëm në 10 vitet e fundit, duke u bazuar në raportet e organizatave prestigjoze që vlerësojnë treguesit e saj. Gazetarët dhe analistët shantazohen, kërcënohen dhe dhunohen. Kërcënimet dhe dhuna që vijnë nga bota e krimit në bashkëpunim me segmente të kriminalizuara të politikës,  e cila nuk kërkon gazetarë të lirë por “jesmenë”.

Viktimat në këtë mes janë gazetarët, analistët dhe redaktorët. Në vitin 2011 disa gazetarë u cilësuan si pjesëmarrës në grusht shteti dhe ndaj tyre nisi një kalvar barbar, por tani, nën pushtetin e të majtës politikekontrolli,  sanksionet dhe dhuna janë përkeqësuar dhe mediat janë nën një presion të shumëfishtë.

Analistët vërejnë me shqetësim gjuhën fyese të kryeministrit Edi Rama ndaj gazetarëve si dhe e cilësojnë gjithnjë e më shumë autoritar dhe arrogant. Kryeministri Edi Rama, gjatë një fjalimi në forumet e Partisë Socialiste i përgjigjet me pyetje kritikave se po qeveris me arrogance, duke fyer dhe shantazhuar, me një gjuhë ironike gazetarët dhe mediat të cilat i quan “kazanë”!

Gazetari dhe analisti Dukagjin Jonuz Hata, ish redaktor i të parës gazetë opozitare në Shqipëri, gazetës “Rilindja Demokratike” i është nënshtruar skenarëve të presioneve e dhunës nga segemente të mazhorancës socialiste.

Në vitin 2019 nisi ndaj tij dhe të birit Den Hata dhe të ndjerës bashkëshortes së tij Riketa Hata nisi kalvari i përndjekjve, për shkak të shkrimeve të tij kundër “Rilindjes”.  Autori kryesor i kërcënimeve, presioneve, dhunës ndaj meje dhe familjes sime ishte dhe mbetet Mariglen Qato, kryeinspektor i IMT Tiranë, eksponent krimnal i PS, strukturuar në nje çerdhe kriminelësh të lidhur me Ndraghetën, me një dosje kriminale prej 177 kallzimesh penale në Prokurori dhe SPAK, ku vetëm gazetari Hata dhe i biri Den, e kanë kallzuar për ndjekje penale të paktën tre herë, secilën herë me prova të reja.  Pretkest ishte një magazinë zaptuese e ndërtuar para hyrjes së gazetarit Hata, duke i penguar dritën e diellit, por shkaku i vërtetë janë shkrimet e tij antirilinjde. Më 5 shtator 2021, Den Hata është kërcënuar me armë nga 2 persona të panjohur në emër të Mariglen Qatos, drejtor i IMT-së Tiranë, për të tërhequr kallzimet e për të mos i drejtuar më letra IKMT-së .  Me 12 shtator, gazetarin Dukagjin Hata mua më sulmuan dy persona me maska pranë shtëpisë, ndërsa po shkoja për të blerë disa gjëra në një supermarket, duke e kërcënuar me jetë, në emër funskionarëve të lartë të ekzekutivit.  Me datën 30 tetor 2021, pasdite, gazetari Dukagjin Hata së bashku me djalin e tij, Den Hata, nën ruajtjen e z. A.P që ndodhej me ta, në orën 17 pasdite, teksa po ktheheshin në shtëpi, 400 metra pa shkuar tek shtëpia e tij, në kryqëzimin e rrugëve pranë Tregut Elektrik, iu afrohet një makinë pa targa, iu ndalon pranë këmbëve dhe që andej zbresin me shpejtësi pesë vetë, me maska dhe tre vetë shkopinj gome e dy të tjerë me thika në duar.  U vërsulën vetetimthi mbi gazetarin Dukagjin hata dhe të birin Den Hata, duke i goditur egërsisht me shkopinj gome. Gazetari ras përtokë, i mbuluar me gjak, ndërkohë që i biri, Den, për shkak se ishte më i fuqishëm, po rezistonte, por edhe djalit tim iu vërsulën dy nga këta vandalë dhe e hodhën përtokë, duke e goditur me egërsi. Megjithë përpjekjet e rojes së tyre private z. A. P., ai nuk mundi ti ndalonte se ata ishin pesë vetë. Njëri nga personat që sulmoi gazetarin D. Hata nxorri thikën dhe tentoi ta qëllonte, ndërkohë që ai qe shtrirë i gjakosur, por instinktivisht nxorri dorën para dhe thika i rrëshqiti në gishtin tregues të dorës, që iu ça gjer në kockë. Ndërkohë përtokë kishte mbetur i gjakosur dhe i biri, Den Hata. Pas dhunës ekstreme,  kriminelët i drejtohen rojes shoqëruese A.P: “Mos u merr më me këta se janë të vdekur. Kjo është e fundit herë që të themi, nuk ta përsërisim më! Mos u merr më me këta, leri t’i zgjidhin problemet te SPAK-u dhe me shkrimet pacavure të këtij hataje, siç i kanë zgjidhur deri tani!” Ndërsa gazetarit që kishte  humbur ndjenjat, iu drejtuan duke i thënë: “Këtë e keni nga ata që ti ke denoncuar në shkrimet e tua dhe yt bir i ka denoncuar në SPAk. Kur të vijmë prapë, nuk vijmë me shkopinj gome, por me plumba!”.

Nuk kishte asnjë kuptim të bënin denoncim në polici, pasi gazetari dhe i biri kishin denoncuar disa herë në polici për akte kërcënimi dhe dhune, por nuk kishim marrë zgjidhje.

Akti i fundit ka ndodhur me datë 4 nëntor 2021, pasmesnate, aty nga ora 2 e natës, kur gazetarin Dukagjin Hata e zgjuan nga gjumi trokitje të forta dhe britma, duke i thënë hape se jemi policia. U zgjua ai dhe i biri Deni, të trembur. Gazetari dyshoi menjëherë se nuk ishin policë dhe telefonoi numrin urgjent të shërbimeve policore dhe teksa i shpjegonte se disa njerëz po e sulmonin në emër të policisë, personat ikën duke qëlluar në ajër me armë dhe duke i kërcënuar me jetë gazetarin D. Hata dhe të birin. Megjithë këmbënguljen e gazetarit Hata, policia nuk erdhi për të verifikuar ngjarjen dhe për të kryer hetime.

Është fatkeqësi, por liria e shtypit dhe mediave në Shqipëri është vetëm një fasadë, e vërteta është ndryshe, duhet të mbështesësh qeverinë, lobet e biznesit, oligrakinë, botën e krimit të organizuar të lidhur me segemnte të kriminalizuara politike, që mbahen në këmbë nga gjykata të korruptuara, përndryshe, je nën vëzhgim dhe ndaj teje orienohen të gjitha mënyrat e hapura e të fshehta të pengimit e skllalvërimit, që nga ana ekonomike e politike, deri tek këcënimet e dhuna e hapur, që po i mban gazetarët në një rreth vicioz.