Kastriot Dervishi: "Thuaj babait të të sjellë para nga Jugosllavia"

"Thuaj babait të të sjellë para nga Jugosllavia"

Nga Kastriot Dervishi

Qerim Jakupi, ardhur në Shqipëri në vitin 1957, deri në vitin 1958 banoi në Llakatund e më pas u vendos në Lushnje. Më 6.2.1960 i shkruan Komitetit Qendror se ai dhe gruaja kishin ngelur pa punë e pa të ardhura, duke jetuar në një gjendje të mjeruar. Jo vetëm kaq, por kish ngelur i ofenduar se sekretari i Komitetit Ekzekutiv të Lushnjës e kish pritur keq dhe i kish thënë që për t’u ushqyer t’i shkruante babait të vet në Jugosllavi t’i sillte para. Historitë e keqtrajtimit të shqiptarëve të Kosovës nuk kishin fund.