E diele, 09.05.2021, 04:45 AM (GMT+1)

Kulturë

Skënder Hoxha: Poezia me mesazh e Ramadan Ademajt

E shtune, 03.04.2021, 09:00 PM


POEZIA ME MESAZH E RAMADAN ADEMAJT

Shkruan: Mr. SKËNDER R. HOXHA – redaktor dhe editor i librit

Lexues të nderuar ju njoftojmë se sapo doli nga shtypi libri me poezi i krijuesit leshanas Ramadan Ademaj, me titull “MOS MA VRITNI SHPRESËN”. Poezitë e kësaj përmbledhjeje poetike, tematikisht,  janë të sistemuara në katër qerthuj: Atdheu mbi të gjitha; Dardania ime e dashur; Kujtimet ia fala erës dhe Sëmundjet e kohës. Po thuaj se në të gjitha poezitë e këtij libri, i cili është i treti me radhë i këtij autori, dominon nota e atdhedashurisë, mërgimit, dashuria dhe respekti ndaj prindërve etj., të cilat kanë mesazhet e veta të pashmangshme.

Libri niset pe poezinë simbolike “Unë leshanashi”, ku poeti në asnjë çast nuk e harron vendlindjen e tij, Leshanin e komunës së Pejës, por nga mërgimi vargëzon për të, duke shpërfaqur dashurinë që ka ndaj vendlindjes, mallin për të, mallin për leshanasit me të cilët u rrit dhe veproi, nostalgjinë për prindërit, etj  dhe përfundon me disa sentenca – vargje metaforike me domethënie të thella, si: “Mos m’i vritni ëdrrat”, “Mos eja në kurbet”, “Mos ma vritni shpresën” “Mos m’i shaj shkrimtarët’, “Mos e mallko dashurinë” etj. që i rendit në kopertinën e mbramë të këtij libri.

Vlen të theksohet se poeti Ramadan, pas dy përmbledhjeve poetike të botuara më herët, në librin poetik “Mos ma vritni shpresën”, para lexuasve del më i pjekur, vjen me vargun më të gdhendur, më të pasur me figura stilistike, çka dëshmojnë se Ramadani vërtet e do pozinë dhe në të shpreh brendinë e  shpirtit poetik që është edhe premtuese për universin e tij poetik, por edhe për letërsinë shqipe përgjithësisht.



(Vota: 3 . Mesatare: 5/5)

Komentoni
Komenti:


Gallery

Pëllumb Gorica: Magjia e bukurive të nëntokës sulovare
Fotaq Andrea: Një vështrim, një lot, një trishtim – o Zot sa pikëllim!
Pëllumb Gorica: Grimca kënaqësie në Liqenin e Komanit
Shkolla Shqipe “Alba Life” festoi 7 Marsin në Bronx
Kozeta Zylo: Manhattani ndizet flakë për Çamërinë Martire nga Rrënjët Shqiptare dhe Diaspora