Nebi Dragoti: Molla

NEBI DRAGOTI

MOTIV POPULLOR

“Erdhe virgjëreshë, ike si një grua”*

Moj, po ty ç’t’u desh që erdhe në krua?!

Ky djalosh i ri në dashuri përvluar,

ç’ bëre kështu ti pa u nusëruar?...

Kroi si Kristal, gjoksi yt i ndezur…

Ç’të gjeti, moj vashë, nga ky balukedredhur.

“ Më gjeti, ç’më gjeti, natë maji ish,

le të flasë mileti për dy zemra dashurish…”

Moj, po ty ç”t”u desh që erdhe në krua?

“Erdhe virgjëreshë, ike si një grua!”

*Varg i poetit Ymer Nurka

MOLLA

Katër vasha me një mollë,

mollë e kuqe mjaltë e flakë.

Cila e para nis ta kafshojë;

shoqe janë, kot bëjnë fjalë.

Kafshon njëra, kafshon tjetra,

molla duarve vjen përqark.

Eh, shoqëria çfarë na qënka:

katersh ndajnë dhe një kafshatë…