Kulturë
Hyqmet Hasko: “Muzg”, një tribunë letare
E merkure, 14.08.2013, 07:34 PM
“Muzg”, një tribunë letare e shkrimtarëve dhe poetëve të botës shqiptare
Nga Hyqmet HASKO
Dalja e
një gazete në tregun mediatik shqiptar, për më tepër e një gazete me karakter
kulturologjik e ende më specifikueshëm, një botim letrar është një ngarje me përmasa
kombëtare, një ftesë për të qenë pjesë e një vizioni dhe një ëndrre përtej një
realiteti të rëndomtë, të vrazhdë e të kallkanosur nga psikologjia e epizmit
primitiv ballkanik, të një lufte virtuale kundër gjithkujtd dhe asgjëse. Në
këtë kuptim, kam përcjellë me kureshtje, dashamirësi, shpresë dhe pse jo me një
farë angazhimi në çdo rast që në këtë vend kanë çelur lulet e shtypit letrar,
që fatkeqësisht në këtë vend nuk kanë pasur jetëgjatësi dhe nuk dua të merrem
aspak me shkaqet e kësaj ndërprerje kaq të vrazhdë e të pa vend.
Ndaj kur
mora në dorë numrin e parë të gazetës “Muzgu”, e them që në fillim, pata një
ndjesi të mirë, ndjesinë e diçkaje që na kishte munguar ne letrarëve dhe që kjo
gazetë e përmbushte me dinjitet që në numrin e saj të parë.
Tani që
kam në dorë numrin e katërt të kësaj gazete kaq serioze dhe kaq komunkuese me
letrarët e botës shqiptare, e them me bindje të plotë se kjo gazetë do të ketë
udhë të gjatë dhe të bukur.
“Muzg”
kam bindjen se do të bëhet një urë komunikimi e bashkëpunimi mes shkrimtarëve,
poetëve, kritikëve letrarë, studiuesve të letrave tona, mes gjithë atyre që tentojnë të ndërtojnë një realitet
tjetër në një vend që bën përpjekje sizifiane për të dalë nga tuneli i
tranzicionit. Dhe letrarët, më mirë se kushdo, me artin e tyre, i shërbëjnë më
së miri këtij vektori idealiteti, duke u bërë pjesë e ëndrrës sonë kombëtare
për emancipimin e shoqërisë shqiptare.
Botuesi
Mark Simoni, që është njëherësh dhe një poet, shkrimtar dhe kritik arti i
njohur, na ka lumturuar duke na dhënë në duar një gazetë si “Muzgu”, që është
një ftesë gjithmonë e hapur për kontribut, një mundësi për të shpalosur
krijimtarinë më të mirë letrare të autorëve nga të gjitha trevat e shqiptarisë,
të ndarë me kufij artificialë në pesë shtete. Na ka ofruar një organ serioz dhe
kualitativ, që rrezaton kulturë dhe estetikë të mirëfilltë, që nga faqosja, tek
kompozimi i faqes së parë, tek mënyra e vendosjes së autorëve dhe rubrikave,
duke dëshmuar se kur gjithçka serviret dhe kulturë, lexuesi ndihet i përmbushur
dhe i plotësuar.
Dhe
gazeta “Muzg”, gazeta më e re në tregun e shtypit letrar në Shqipëri, por dhe
në gjithë hapësirën e botës shqiptare, ia ka dalë mbanë kësaj, ka mbyllur një
vakum dhe ka përmbushur një mision fisnik, në shërbim të botës së vlerave, një
mision që vazhdon…
Edhe pse
kanë dalë vetëm katër numra të gazetës “Muzg”, çdo lexues i zakonshëm, për më
tepër lexuesit e kualifikuar dhe të regjur me rrengjet dhe dritëhijet e
shtypit, siç janë shkrimtarët dhe poetët, e kuptojnë më së miri se kemi të
bëjmë me një gazetë elitare, me një gazetë, që synon të zërë një vend në
rëndësishëm në mediat e botës shqiptare, duke tentuar të bëhet një zë i
shkrimtarëve dhe artistëve të kombit shqiptar.
Unë nuk e
kam takuar asnjëherë dhe nuk e njoh, përveçëse nga larmia dhe kualiteti i
punëve letrare, botuesin e “Muzg” zotin Mark Simoni, po më ka bërë shumë
përshtypje korrektesa e tij, komunikimi me të gjithë shkrimtarët dhe poetët e
këtij vendi, lajmërimi për botimin e krijimarisë së tyre në faqet e kësaj gazette
si dhe për daljen e çdo numri të saj.
Thyerja e
çdo faqeje, duke krijuar një larmi paraqitjeje që jo vetëm nuk të vret
sytë, por të çlodh e të nxit për ta
shfletuar me nge e kureshtje, siç duket, është pjesë e psikologjisë së punës në
ekip të redaksisë së nderuar të “Muzg”.
Gjithashtu, shohim që brenda një numri përcillen dhjetëra shkrimtarë e
poetë, me krijimtarinë e tyre nmë kualitative, me një shtrirje gjeografike të
gjithkahshme dhe kjo tregon përkujdesjen serioze të botuesit por dhe të stafit
të redaksisë për të nxjerrë një botim jo vetëm cilësor, por dhe që t’i
përgjigjet nevojës së ngutshme për botim të krijuesve tanë, të cilëve iu ka
munguar një organ dinjitoz dhe gjithëpërfshirës, siç është gazeta elitare
“Muzg”…