Leon Duhanaj: Kriza sociale zbrazë Kosovën

KRIZA SOCIALE ZBRAZ KOSOVËN

Nga Leon Duhanaj

Përderisa Qeveria e Republikës së Kosovës po përqendron të gjitha forcat për të integruar komunitetin serb në veri të Kosovës , në  anën tjetër Kosova po zbrazet nga pjesa tjetër e popullatës shumicë në Kosovë.

Njeriu në fundosje e sipër, nuk ka nevojë për këshilla dhe qortime se si është dashur të mos futet në atë gjendje por ka nevojë për dorën e shpëtimit.

Kosova duhet të  siguroj mundësi ekzistenciale për qytetarët e Saj, në mënyrë që të dëshmoj se ne mund  dhe jemi pjesë e Europës. Të mos predikoj ëndrrën evropiane , por të punoj për atë, që përmes politikes se mirëfilltë ta realizoj qëllimin duke e shndërruar Kosovën  në pjesë përbërëse të Europës me vlera dhe me nivel të jetesës, ku qytetari nuk ndien nevojën e ikjes.

Politika kosovare duke vazhduar të injoroj problemet thelbësore të popullatës, dhe duke i shndërruar ato përmes zhvendosjes se vëmendjes të opinionit publik por edhe politikave të  shtetit në problemet ekskluzivisht politike, në vend që të përafrohet me standardet e Unionit Europian , Ajo po shkon drejtë largimit. Nuk është reale sot të kërkohet nga popullata e gjerë që në emër të idealeve dhe patriotizmit të durojnë edhe urie , përderi sa udhëheqësit institucional e bëjnë pikërisht të kundërtën, duke e zhvilluar korrupsionin, nepotizmin dhe krimin e organizuar në nivel institucional, deri në degradim.

Përder sa qeveria e Republikës se Kosovës po përqendron të gjitha forcat për të integruar komunitetin serb në veri të Kosovës , në  anën tjetër Kosova po zbrazet nga pjesa tjetër e popullatës shumicë në Kosovë.

Populli shqiptar është i shquar për durese dhe për qëndrueshmëri të madhe në vuajtje , si rezultat i persekutimeve, dhe robërisë shekullore. Ishte motivi i lirisë ai i cili i mbajti gjallë shpresat për një jetë me të mirë. Ishte ëndrra e lirisë dhe vetëqeverisjes ajo që i mbulonte të gjitha vuajtjet duke i shndërruar ato në motivacion edhe me të madh për jetën. Por çka dhe cili është tani motivi i shqiptarëve  dhe të tjerëve në Kosovë. Politika destruktive në Kosovë vite me radhë ka bërë që qytetarët tashmë mos të kenë  mundësi jetese dhe nganjëherë edhe mbijetese iu është djegur edhe  motivi dhe shpresa e fundit për ndryshime pozitive në këtë vend, duke e kërkuar fatin e vet kudo por sa me larg Kosovës.

Për dallim nga eksodi i viteve të nëntëdhjeta kur shqiptaret lëshonin vendin me shpresën që një dite të kthehen në liri të plotë, ku fajtori për këtë gjendje ishte agresioni pushtues të cilin vlente ta mposhtnin në të gjitha format e që një formë ishte edhe duresa dhe solidariteti, e gjithë kjo me një ideal lirie dhe me shpresën e një shteti i cili do jetë pronë e qytetarëve ku secili do ta gjej veten, të lirë dhe me mundësi të pakufizuara jetese. Tani qytetarët lëshojnë vendin por pa shpresë për kthim prapa , ata madje janë në gjendje të heqin dorë nga çdo gjë vetëm e vetëm që të sigurojnë një vend ku mund të jetojnë pa brenga , ku mund t’i rrisin fëmijët e tyre në kushte normale. Shteti për të cilin kishin ëndërruar dhe  sakrifikuan aq shumë tashmë nuk është pasqyre reale e pritshmërisë së tyre, madje janë të  zhgënjyer dhe zhgënjimi është aq i thellë sa që kërkojnë prapë  strehim në shtetet Europes Perëndimore si djepin natyrore në të cilin shqiptaret gjithmonë gjatë historisë kanë kërkuar dhe kanë gjetur strehim pa frikë.

 A ishte ky qëllimi i shtetit të Kosovës ? A ishte kjo ajo për të cilën shqiptaret ëndërruan , për të cilën u sakrifikuan, për të cilën u derdh gjak në luftë?

Këto dhe shumë pyetje të tjera do duhet shtruar institucioneve të vendit dhe secili bartës i ndonjë posti institucional t’ia parashtroj vetës , duke e analizuar pozicionin që ka ne shoqëri.