Leon Duhanaj: Femra e emancipuar, shoqëria...

FEMRA E EMANCIPUAR, SHOQËRIA E SHËNDOSHË

Nga Leon Duhanaj

Të gjitha organizimet shoqërore, duke filluar nga me themeloret dhe me të  voglat e deri tek shteti si organizim kulmorë shoqëror kanë si model familjen. E duke qene se në një familje shtylla kryesore saj është  femra (nëna), atëherë mund të konkludojmë se edhe në organizatat tjera siç është shteti , femra është shtylla kryesore .

Në një shoqëri ku femra nuk është e barabartë me mashkullin në të gjitha poret e jetës, ku femra nuk gëzon të drejtën e shkollimit, apo nuk i mundësohet ajo,një shoqëri ku femrës i imponohet mënyra e t jetuarit, mënyra e veshjes, daljes, qëndrimit dhe shprehjes se mendimit të lirë,  një shoqëri ku femra nuk është e përfaqësuar në mënyrë të barabartë në jetën  shoqërore, nga arsimimi i brezave e gjerë në  udhëheqjen e shtetit , pa këto nuk mund të pretendohet ndonjë  shoqëri apo shtet demoktarik, e  i suksesshëm.

Kombi shqiptar historikisht ka pas ngecje emancipimin dhe integrimin e femrës në shoqëri, mirëpo në dekadat e fundit  lirisht mund të thuhet se janë bërë përparime të kënaqshme në këtë drejtim, por jo edhe të mjaftueshme. Tani nuk qëndron fakti qe femra është e penguar nga ndikimi mashkullorë, por ka ëndë deficit sidomos përsa iu përket gjeneratave të vjetra dhe asaj të mesme.

Duke qenë se femra është shtylla e familjes dhe ajo është ekskluzivisht faktori kyç i edukimit të fëmijëve, atëherë është më se e rëndësishme që ajo të jetë e shkolluar, dhe që të jetë një shembull i mirë dhe më kompetencë ndaj fëmijëve të vet në radhë të parë dhe ndaj shoqërisë në tersi.

Tani më kemi shembuj të mjaftueshëm në shoqëri për femra të suksesshme dhe të zonjat, si ne arsim, politikë ashtu edhe në sferën e biznesit. Madje nga femrat kemi edhe shembuj shumë  të mire të bashkëpunimit, siç janë rastet e organizimeve dhe iniciativave të ndryshme nga gratë politikane, të cilat dinë dhe donë t’i  eliminojnë  ndasitë ideologjike partiake në dobi të shoqërisë dhe të së mirës së e përgjithshme.

Prandaj është  e nevojshme që shoqëria të sensibilizohet në edukimin masiv të femrës, emancipimit dhe integrimit të plotë të saj në shoqëri. Kjo duhet të  mbështetët nga të dy gjinitë por posaçërisht nga gjinia femërore, nga grat të cilat tashme janë të suksesshme, në mënyrë që femra ta gëzoj vendin e merituar në shoqëri, që të mos behet vegël e kalkulimeve për mes kuotave por të luftoj me të gjitha mjetet demokratike që të jetë e barabarte në përfaqësim.