Frrok Vukaj: Kosovë trimja po çon fjalë

Një jetë luftë, një shekull Pamvarësi (4)

KOSOVË TRIMJA, PO ÇON FJALË

Teksti nga: Frrok Vukaj
Kenduar nga: Zef Beka

Kosovë trimja po çon fjalë:
-Kush ma qet zanin në Shalë?

Tym per tym kush t’jesh me dalë,
Nuk ka plumba trimat me i’ndalë.

Janë bashkue Nikajt te tanë,
Kan kcye lumin e dalë mat’anë.

E i kan thirrë fisit t’Mërturit,
Me i’bashkue djemt e barutit.

Me i’bashkue djemt e fisit,
Me i’nisë luftën Nil Bogiçit.

N’at’ Qaf t’Kolçit ka hip djelmnia,
Ka krisë pushka asht’ tundë Malsia.

Tahir Sokoli  mustaqe-gjati,
Po e merr pushka e s’po i del gjaku.

Ç’po ushton ky mali i Drelës,
Kërcet pushka e Kamer Prelës.

Dirgjen shkijet  gur mbas guri,
Mitroloz po qet Merturi!

Ç’ka ka thanë, Ai Nil Bogiçi:
-Se s’ka djem, toka e k’tij fisi!

Bre Bogiç mbylle tefterin,
T’vrasim Ty e t’zamë asqerin.

Se ka djem Nikaj-Mërturi,
M’bijnë si lisat e t’fortë si guri.

Janë kala këto bjeshkët e mia,
S’të lëshon-gjallë me dalë Malsia.
./.
(Teksti dhe Video, janë përzgjedhur për ZSh-në nga redaktori ynë në NJ, USA , Zeqir Lushaj)