Sami Islami: Matematika e Jonit

Poezi për fëmijë

Nga Sami Islami

MATEMATIKA E  JONIT

Duke u kthy nga doktori

Joni recetën në dorë e mori

E shikoi me kurreshtje

E lexoi ashtu  në heshtje.

S’kuptoi gja nga përmbajtja

Dhe u ndal aty,  te data

Ditën e muajin shpejt e lexoi

Po kjo 2011-a  e hutoi

Ma parë ishte  “njëzet dhjetë!” (pra 2010)

Kurse  tash,  “njëzet njëmbëdhjetë!” (2011)

I nxitur  nga ky ndryshim

E pyeti babin pa ngurrim:

Më thuaj babi me të vërtetë

Pse s’shkruan këtu “njëzet dhjetë?”

I përgjigjet babi me dashuri

- Tani jemi në Vitin e  Ri!

Aha, tha Joni-po kuptoj

Dhe filloi diçka të mendojë

‘Vallë, pas njëqind vjetë të tjerë

Sa vjet do t’i kishim atëherë ?!’

Zgjidhjen e bani pa  u vonu

Me saktësi dhe  pa gabu

Unë do t’i  kisha-tha- njëqind e shtatë ,

Kurse  ti babi njëqind e dyzet e gjashtë!

Londër, 02.02.2011