Kulturë
Demir Krasniqi: Kënga e Ndoc Mark Gegës
E premte, 26.02.2010, 10:40 PM
Nga thesari ynë popullor: KËNGA E NDOC MARK GEGËS
- Rapsodi popullore –
Se n’ Evropë po knohet gazeta –
Nuk po zihet ky Ndoc Mark Gega !
Çka po thotë ky Ndoc Mark Deda –
S’ e jap hutën sa t’ asht jeta !
Sa t’ asht jeta , kurrë hutën s’e jap –
Për pa i la zaptinë me gjak !
Vocërr Prena , ni faqezi ,
Marrke rrugën Vocrri për hafi –
Mirë se t’ gjej Pashë, more zotni !
-Mirë se vjen Vocërr, faqezi !
-Mos um thuej Zotni, faqezi ,
Se t’ kam ardhë veç për myzhdexhi ,
Atë Ndoc Gegën , që e lypshe ti –
N’ Berishë t’ Madhe , Ndoci a hi !
-Çou , bre Vocërr, me na pri ,
Kam çaushin jabanxhi ,
Ato rrugë , Vocërr nuk i di !
Nata terr tue rigue shi ,
Vocërr Prena , ju paska pri –
N’ Berishë t’ Madhe i paska shti !
N’ Berishë t’ Madhe , kur janë shkue –
Atë Ndoc Gegën , e kanë rrethue !
Kti Ndoc Gegës , i kanë kallxue –
Hyqymeti , Ndoc , t’ kanë rrethue ,
Kërkojnë pushkën me ja u dorëzue ,
Pushkë pa krisë , njeri pa u damtue ,
Pa u vra kush, as pa u varrue !
Aj Ndoc Gega , ni fjalë pe flet –
Pesë dakika me m’i dhanë myhlet ,
E kam ni plak , du’ me shku’ me e dvetë !
Pesë dakika ja japin myhlet ,
Shkon ma dvetke qatë babën Gegë –
Baba Gegë, qysh po don me m’ msue ,
Hyqymeti , babë, m’ kanë rrethue ,
Kërkojnë hutën me ja u dorëzue ,
Pushkë pa krisë , njeri pa u damtue,
Pa u vra kush, as pa u varrue !
Aj Gegë plaku , fort asht ngërmue ,
Edhe Ndocit , shka i ka kallxue –
Mos t’ lashtë Zoti, djali jem pa t’ marrue ,
S’ jepet huta , biro, pa luftue ,
Qysh me u ba burri si grue ?!
Aj Ndoc Gega , fort ish kanë idhnue ,
Nimo Zot , luftën ka fillue –
Shtatë , a tetë - n’ ven e varrue !
N’ ven e varrue - nja shtatë , a tetë,
Ikë çaushi , livadhit përpjetë !
Ikë çaushi, përpjetë livadhit –
Nimo Zot, oj Nata e Bajramit !
Natë Bajrami , sonte je qillue –
Pej Ndoc Gegës , ti , mue me m’ pshtue !
Pej Ndoc Gegës, si n’ pshtofsha vet –
Për zapti nuk pe kam dert ,
Se zapti ka boll Baba Mret ,
Pak n’ na vyefshin , na do t’ shkruejm apet !
Duel Ndoc Gega në derë t’ oborrit –
Nimo Zot, oj Nata e Shën Kollit !
Natë e Madhe, sonte je qillue –
Pej çaushit , ti , n’ mujsh me m’ pshtue !
Pej çaushit , unë , n’pshtofsha vet –
Për babë – plakun, hiq s’ pe kam dert ,
Se i ka mushë plaku , shtatëdhjetë vjet ,
Ma për pushkë , plaku , nuk ka metë !
Shtatëdhetë vjet , plaku , i ka rrafshue ,
I shkoj ymri , plakut , tuj luftue ,
Me çausha gjithë tue luftue !
Mblodhi, shënoi dhe rikëndoi:
Demir KRASNIQI
Facebook
Twitter
Google+
Digg
Komentoni
Artikuj te tjere
Luan Çipi: Babi im
Skënder R. Hoxha: Lirika me shumësi motivore
Marash Gojani: Pavarësia e Kosovës
Eduard M. Dilo: Një poete shkodrane
Neki Lulaj: Avzi Nela një poet kukësian (Cikël poetik)
Jorgo S. Telo: Kuvend me Ali Asllanin...
Gjergji Dushku: Kënga e të ikurve
Dibran Demaku: Cikël poetik satirik
Cikël poetik nga Hajdin Morina
Hilmi Saraçi: Krojet (qeshmet) në qytetin e Vushtrrisë me rrethinë
Një film në Hollywood kushtuar UÇK-së
Zyli Gaxholli: Flash poetik
Mazllum Saneja: Poezi nga Agim Gjakova dhe piktura nga Jan M. Stuchly
Cikël poetik nga Engjëll Koliqi
Cikël poetik nga Neki Lulaj
Ekrem Ajruli: Tundet
Halit Bogaj: Vrasja e tifozit francez
Shkrimtarja Entela Safeti Kasi, presidente e PEN Qendrës të Shqipërisë, në një rrëfim ekskluziv për lexuesin
Luan Çipi: Atdheu
Albert Zholi: Flet skenaristja e filmit "Shekulli i dhimbjes..." Helena Halilaj
Gallery
Pëllumb Gorica: Magjia e bukurive të nëntokës sulovare
Fotaq Andrea: Një vështrim, një lot, një trishtim – o Zot sa pikëllim!
Pëllumb Gorica: Grimca kënaqësie në Liqenin e Komanit
Shkolla Shqipe “Alba Life” festoi 7 Marsin në Bronx
Kozeta Zylo: Manhattani ndizet flakë për Çamërinë Martire nga Rrënjët Shqiptare dhe Diaspora
