Kulturë

Dibran Demaku: Patriotët dhe deputetët

E marte, 10.11.2009, 07:25 PM

Dibran Demaku

PATRIOTËT

Seç po shtohen patriotët
Sanço Panqot,Don Kishotët
Rosinantët kanë marrë vrapin
duan me kohën të zënë hapin.

Nëpër sheshe bërtasin,qierren
në atdhe e komb thirren
që meraku mos t`u ngeli
si kofini pas të vjeli.

Dje na ishin kuaj druri
u kishte ikur mendja-truri
sot na dalin trima të parë
Patriotë e atdhetarë!

Që t`i kap gazeta,ekrani
ngrehin krahët si Bibani
nëpër sheshe fjalë të zjarrta
patriotë me merita të larta!

Patriotë me baterija
rëndë ju ka edhe shtëpija
rënduar janë me ju dhe sheshet
një komb i tërë me ju qeshet.

Një komb i tërë me ju qeshet
veç ju s`dëgjoni nga veshët
ju ka humbur arsyeja-fiqiri
jeni rrëmbyer nga deliri.

Ndaleni vrapin-thërrisni kokës
ju jeni pjesë e epokës
mos pëllisni si viqi i lopës
O,të mjerë për mend të kokës?!

Dje në luftë si minj në vrima
s`ju dëgjua zëri as teshtima
sot në liri si Don Kishoti
kush më trim,kush më i zoti!

Kombi që të gjithëve ju njeh
kush jeni sot,kush ishit dje
sipas meritave do u jep hakun
kot qierreni shesheve-e prishni gjakun!...

PËR DEPUTETËT LUMË E LUMË

Po na habitë menagjmenti
xhevahirë nxjerr Parlementi.

Për deputetët e vet petrita
më shumë para se u ndalet rrita!

Që mos të presin kot nëpër ura
atyre u duhet të kenë vetura.

Për punë mos të merziten fare
do ta kenë dhe nga një sekretare.

Kështu i paska e tërë bota
pse mos t`i ketë edhe Kosova?!

S`na bëhet vonë ç`thotë popullata
ne ëmbëlsohemi me çokolata!

Ne jemi koka udhëheqim vendin
së pari për vedi se ia dijmë rendin.

Siç ka thënë një i menqur dikur
kush s`është për vete-për tjetrin kurrë!

I lumtë atij që u kujtua i pari
jeta i ndritt siç ndrinë fanari!

Ju lumtë deputetë o ju sokola
me ju për... do shkojë Kosova!

Gati harrova të të them në besë
të gjithëve u duhet nga një banesë?!

I kanë shtëpitë ç`u duhen banesat
paj që t`i kenë për nipër e mbesa!

Pas punës së lodhshme nëpër seanca
duhet t`i ulin diku spirancat!

Duhet të pushojnë deputetët e ngratë
nëpër banesa larg nga gratë?!

Ngadalë,ngadalë se këtu të zura
në Parlament nuk ka veç burra.

Në parlament kemi dhe gra
mund të na ndodhë ndonjë hata!

Burrat e tyre të vijnë në banesë
dhe nga gratë e veta të kërkojnë pjesë?!

E ato nuk janë dosido
janë deputete le ta dijë cilido!

Dhe si deputete kanë imunitet
dhe jo secili mund t`i nget!...

Eja më afër të të them diç në vesh
deputetët nuk guxon kush t`i përqesh´!

Imunitetin e kanë të gjatë-tërkuzë
dhe nuk i zë ata asnjë akuzë!...

Dhe mos e lodh vetën po fli në gjumë
për deputetët brohorit e bëjë lumë e lumë!...

(Vota: 3 . Mesatare: 5/5)