E shtune, 12.06.2021, 09:14 PM (GMT+1)

Lajme

Boks e shpulla në xhami

E shtune, 12.09.2009, 06:48 PM


Imami i xhamisë në Mollopoc të Shtimes, Bedri Roshaj, pas një shpulle që ia kishte dhënë një të riu, është sulmuar më vonë në oborrin e xhamisë. Dy prej sulmuesve janë policë. Për hoxhën, i cili më herët ishte dëbuar nga Carraleva, fshatarët thonë se nuk është i rehatshëm. Dy familjet rrëfejnë pafajësinë e tyre.

Nga Nebih Maxhuni

Vetëm pse ka kaluar nëpër oborrin e xhamisë, imami i xhamisë së fshatit Mollopoc i Shtimes, Bedri Roshaj, ia ka ndezur një shpullë të riut 19-vjeçar, Ruzhdi Salihu.

Përveç një shpulle të majme, imami i xhamisë së fshatit nuk ka përtuar që këtë të ri, i cili kishte ardhur mysafir të dajat e tij, ta kërkojë në shtëpinë e dajave disa metra larg xhamisë.

Ka filluar me një flakaresh që i pari e ka nisur imami i xhamisë, 23-vjeçari Bedri Roshaj dhe ka përfunduar deri në një rrahje masive ndërmjet imamit, një shoku të tij dhe dy pjesëtarëve të policisë së Kosovës, nipi i të cilëve kishte pësuar një shuplakë nga imami i fshatit.

Edhe pse në një fshat, të dy familjet rrëfejnë ngjarjen në versionet e tyre. Secili prej tyre mendon se është i pafajshëm.

Imami Roshaj thotë se nipi i familjes Salihu e ka penguar gjatë ceremonive të faljeve në xhaminë e fshatit, duke i ngacmuar vajzat që shkojnë në xhami, përderisa policët e përfshirë në rrahje të familjes Salihu, thonë se nipi është sulmuar në shtëpinë e tyre.

Pas shuplakës që imami i kishte dhënë nipit të tyre, Ruzhdi Salihu së bashkë me dy djem të policit Tafë Salihaj, kanë shkuar në oborrin e xhamisë për t`i qëruar hesapet me hoxhën.

Të dy policët tashmë të suspenduar thonë se kanë shkuar në oborrin e xhamisë, meqë dikush nga fshatarët i ka lajmëruar për të ndërhyrë në një përleshje mes imamit dhe disa banorëve.

Tafë Salihaj, pjesëtar i policisë, tash e nëntë vjet tregon se rreth orës 17 ai ka shkuar për të ndërhyrë në një përleshje në oborrin e xhamisë, dy ditë më parë, pa ditur se djali dhe nipi i tij nga Maqedonia ishin të përfshirë në një përleshje me imamin e xhamisë dhe një shok të tijin.

“Hoxha më tha se nipi juaj ka pasë problem para një viti dhe po bën problem në xhami. Hoxha e ka hekë setrën dhe ka tentuar të sulmojë djalin tim dhe nipin, e kam kapë hoxhën dhe kam dashur ta fus në veturë për m’e mbrojtë, për mos m’e sulmue, ka eskaluar situata dhe kjo ka qenë e tëra”, rrëfen polici i suspenduar, vëllai i të cilit është në mbajte për 48 orë në polici.


(Vota: 6 . Mesatare: 1.5/5)

Komentoni
Komenti:


Gallery

Pëllumb Gorica: Magjia e bukurive të nëntokës sulovare
Fotaq Andrea: Një vështrim, një lot, një trishtim – o Zot sa pikëllim!
Pëllumb Gorica: Grimca kënaqësie në Liqenin e Komanit
Shkolla Shqipe “Alba Life” festoi 7 Marsin në Bronx
Kozeta Zylo: Manhattani ndizet flakë për Çamërinë Martire nga Rrënjët Shqiptare dhe Diaspora