E merkure, 15.07.2020, 03:17 AM (GMT+1)

Personalitete

Asllan Saraçi: Bajame Hoxha (Çeliku)

E enjte, 20.08.2009, 06:45 PM


Bajame Hoxha (Çeliku)

Nga Asllan Saraçi, botues

Bajame Hoxha (Celiku), e njohur tashmë si një poete me profil të spikatur mjaft mirë, po i bie pashë më pashë botës së mrekullueshme të fëmijeve, duke na dhënë një performancë të shkëlqyer, duke na dhënë portrete mjaft të bukura e tejet origjinale të fëmijëve, të botës së tyre që endet midis përrallës e realitetit, midis prehërit të mamit, të gjyshit dhe një lloj prehëri tjetër që është përralla, ëndrra, fantastikja, irealja.
Kjo përvojë e re, duket se është në harmoni me dëshirat, aspiratat dhe shpirtin e madh të Bajames, shpirt ku ka vend për dashuri, për trishtim, e mbi të gjitha për fëmijet e vegjël, këto ëndrra të brishta që një ditë do të fluturojnë nga qielli poetik i saj, në një tjetër qiell, siç është ai i ëndrrave të tyre, i ëndrrave për një jetë tjetër, për një atdhe më të bukur, për njerëz më të bukur.
Po t’i hedhësh një sy të shpejtë nivelit artistik, nuk  është e vështirë të kuptosh se ai nivel i lartë artistik është fryt, jo vetëm i përvojës së saj poetike, por mbi të gjitha, i kërkimit, i novatores, i gjetjes së rrugëve të reja shprehëse, i origjinalitetit të figurave, i ndërthurjes së reales me irealen, por njëherësh i thjeshtësisë, i njohjes së thellë të botës fëminore, i dëshirës së saj të zjarrtë që kjo botë të mos jetë kurrë si ajo që jetoi vetë Bajamja, në kampet e trishta të humbëtirave të Lushnjes, por të jetë një botë si ajo e shokëve e shoqeve të tyre kudo nëpër Evropën e lirë e demokratike.
Mendoj se kjo “krijimtari” e re e pasuron më tej krijimtarinë e Bajames, i jep asaj një përmasë të re, duke e bërë atë më interesante, më domethënëse. Ky është një komunikim tjetër poetik i saj, një angazhim tjetër i saj, serioz e i bukur.


(Vota: 0)

Komentoni
Komenti:


Gallery

Pëllumb Gorica: Magjia e bukurive të nëntokës sulovare
Fotaq Andrea: Një vështrim, një lot, një trishtim – o Zot sa pikëllim!
Pëllumb Gorica: Grimca kënaqësie në Liqenin e Komanit
Shkolla Shqipe “Alba Life” festoi 7 Marsin në Bronx
Kozeta Zylo: Manhattani ndizet flakë për Çamërinë Martire nga Rrënjët Shqiptare dhe Diaspora