E marte, 30.11.2021, 05:43 AM (GMT)

Kulturë

Sevdail Hyseni: Himni me celular

E diele, 05.09.2021, 08:11 AM


Sevdail Hyseni

Satirike

Himni me celular

Në këtë vit shkollor

Si kurrë herë më parë,

Erdhi  Himni serb

N’dorë me celular!

Vjen dekreti me nxitim

Nga Ministri për arsim…

Me “Zotin e Drejtësisë”

T’niset çdo mësim!

Ndaj, të gjitha shkollat

Nuk qenë në një vijë,

Pse ky Himn shtetëror

T’merret me fëmijë?!

Por, ky farë dekreti

Nuk erdh’ pa qëllim,

Për t’i mat drejtorët

Sa janë me ndikim?

Qoftë me shtypje lart

Apo nga poshtë fare,

Hyn n’shkollë për dere

E del për dritare!

Nga këto presione

Ata janë në hall,

Si n’poezinë e Nolit

-Shën Pjetri m’i mangall!

Nga gjitha pakicat

Sa janë në Serbi,

Po gjenden shqiptarët

Për t’dhënë llogari!

Jo, ata që zgjedhën

Me vota në garë…

E i rrinë gatitu

Himnit si ushtarë!

Me Himne u mësuam:

“Hej Slloveni” e “Bozhe Pravdën”,

E sa Himne tjera

Që ne nuk i patëm?!

Na “rrofshin” shtetarët

Me gjithë ato mend,

Që me nder me thënë

Nuk i hanë as qentë!

(Karikatura e përpunuar marrë nga interneti)



(Vota: 0)

Komentoni
Komenti:


Gallery

Pëllumb Gorica: Magjia e bukurive të nëntokës sulovare
Fotaq Andrea: Një vështrim, një lot, një trishtim – o Zot sa pikëllim!
Pëllumb Gorica: Grimca kënaqësie në Liqenin e Komanit
Shkolla Shqipe “Alba Life” festoi 7 Marsin në Bronx
Kozeta Zylo: Manhattani ndizet flakë për Çamërinë Martire nga Rrënjët Shqiptare dhe Diaspora