E enjte, 22.04.2021, 12:50 PM (GMT+1)

Kulturë » Berisha

Sejdi Berisha: Unë di të them gjithçka

E diele, 07.07.2013, 06:55 PM


(POE)ZI:

Sejdi BERISHA:

UNË DI TË THEM GJITHÇKA...!

(Inspirim nga TV emisioni “Edhe unë jam Kosovë”)

 

Unë di vetëm të them

Se unë shumë e dua familjen time

Dhuratë Zoti e dashurie

I kam fëmijët e mi

Unë di vetëm të them

Por nuk dua të them

Se nuk kam kulm mbi kokë

Se fëmijët e mi nuk kanë qumësht

Çokollatë jo se jo

 

Unë di të them

Se gruaja ime

Shtatzëninë e ruan

Si dhuratën e re

Frytin tonë e ushqen me shpresë

Se ai kështu i fortë do bëhet

Plotë gëzim e çiltërsi

 

Unë di të them

Se familja ime

Nuk ka miell në magje

As për një rreshke piteje

Erën e saj sa për ta shpërndarë

Nëpër të çarat e mureve

 

Unë di për të thënë

Se e kam shpirtin e madh

Edhe shpresën

Që si unë kush nuk mund ta ketë

Për këtë

Fëmijët e mi janë shëndosh si molla

Edhe pse me opinga të shqyera

Pa libra as fletore

E në vend të lapsit

Një krënde ndër gishta mbajnë

 

Unë di të them

Se edhe unë jam Kosovë

Unë di të them edhe shumëçka

Por dot nuk ma thotë mendja

As nuk me qet goja

Sepse

Tokën time e lëndoj

Kombin tim e poshtëroj

 

Unë di të them...

Por dot nuk them asgjë

Sepse jam i lumtur me familjen time

Me tjegullat e thyera mbi çati

Me baltën në derë të shtëpisë

Me birën në mur

Ku gjarpri ka shtëpi

 

O, sa kënaqësi

Kur di të them gjithçka

E kurrë nuk them gjë

Unë di vetëm të këndoj

Ecim tutje fëmijët e mi

Se lumturia diku na pret...   



(Vota: 18 . Mesatare: 5/5)

Komentoni
Komenti:


Gallery

Pëllumb Gorica: Magjia e bukurive të nëntokës sulovare
Fotaq Andrea: Një vështrim, një lot, një trishtim – o Zot sa pikëllim!
Pëllumb Gorica: Grimca kënaqësie në Liqenin e Komanit
Shkolla Shqipe “Alba Life” festoi 7 Marsin në Bronx
Kozeta Zylo: Manhattani ndizet flakë për Çamërinë Martire nga Rrënjët Shqiptare dhe Diaspora