Luan Çipi: Anxhela 16 vjeçare

Luan Çipi

ANXHELA 16 VJEÇARE

Ditë e natë, në shumë vjet,

Kjo, mbesa ime Anxhela

Shpejt ngrihet, ikën e flet,

Rrëshqet si barka me vela.

E çan detin e harbuar

Nuk pyet për dallgë e tallaz

Del në breg e lumturuar,

Na jep lumturi pa masë.

Sa shpejt e mësoi Anglishten,

Dhe gjuhë të dyta me vlerë

Holandishten dhe Frëngjishten

Përvetësoi me një herë.

Në Holandë, Qytetin Lule*

O, sa këndshëm jeta shkohet,

Kujdes, ëmbëlsi, pekule

Dita ditës zbukurohet.

Gjyshi dhe gjyshja nga larg

Të shikojnë të ndjekin pas

Ti dërgojnë urimet varg

Të mbushur me shpresë dhe gaz.

Ja, nesër vjen një Qershori

 Anxhela mbush 16 vjet

Te ne, do qesh dhe oborri

I mbushur me lule, det.

Po një lule më e dukur

Shkëlqen, e varur në mur,

Mbesa jonë e mirë e bukur,

Mbi të tjerat lëshon nur.

*Rossendaal