Kulturë

Gjon Keka: Institucionet e një planeti tjetër dhe rreziku nga terrorizmi

E premte, 14.08.2009, 09:00 PM

Institucionet e një planeti tjetër dhe rreziku nga terrorizmi

Nga Gjon KEKA

Institucionet e shtetit të mbykqyrur te Kosovës si duket po jetojne diku ne ndonje planet tjeter, larg ngjarjve dhe porceseve qe ndodhin ne vendin qe ata e shfrytëzojnë vetëm sa për t‘i mbledhur taksat dhe për ta pasuruar xhepin e tyre.
Politika që ndjekin institucionet e shtetit të mbykqyrur të Kosovës nuk është aspak demokratike dhe nuk i ngjason asaj fare, por më shumë i afrohet politikës se lindjes, asaj arabe, turke, iraniane, irakiane dhe metodave të sundimit ndaj popullit në mënyrë barbare që populli duhet të vuaj nga plagët që ja shkatojnë institucionet e një planeti tjeter duke keqmenaxhuar dhe duke vjedhur vendin e tyre deri në palcë.
Politikanet e shtetit te mbikqyrur te Kosoves jane te mbushur me fjale te kota, ata flasin per drejtesine,demokracine, rendin, ligjin, kushtetuten, sigurine, ekonomine …etj, etj.,por ne fakt ata urrejne drejtesine,nuk e duan demokracine, rrezojne rendin, e shkelin ligjin per çdo dite, e keqperdorin kushtetuten duke konsideruar ate leter që thyhet kur t‘i doje qejfi secilit, flasin per siguri e ne anën tjeter e mbjellin terrorizmin me duart e tyre, pastaj e vjedhin shtetin e tyre, e varferojne dhe ne fund e gjunjezojne teresisht.
Ndërsa Kosova pas shpalljes se pavarësisë së mbykqyrur te saj, po bëhet një vend më primitivi i ballkanit, më i prekuri nga sëmundjet e terrorizmit islamik, vendi më jodemokratik në ballkan dhe me gjerë, vendi më i pasigurt në rajon, pasqyrë e thyer para bashkësisë ndërkombëtare, pastaj mbjellëse e madhe e lëndëve narkotike…etj, etj.

Tani në shtetin e mbykqyrur të Kosovës nuk mund të shohësh procese qe ecin në rrugën e demokracisë, mbarësisë, pastaj të një shteti ligjor por ajo ka marrë rrugën e humnerës dhe të vetëshkatërrimit,sepse faktet në terren flasin se Kosova më shumë i ngjason një vendi të lindjes aziatike se sa një vendi demokratik dhe me synim integrimin në strukturat euroatlantike. Institucionet e shtetit te mbykqyrur te Kosoves nuk kanë ndërmarrë asnjë veprim konkret në pastrimin e këtyre organizatave te ndryshme terroriste që veprojnë në Kosovë, gjithashtu nuk ka asnjë shenjë që këto organizata të pastrohen nga institucionet e Kosovës, kjo heshtje do të thotë miratim.
Pas përfundimit të luftës së Kosovës kanë hyrë më mijëra organizata të lindjes që si qëllim kishin mbjelljen e terrorizmit në Kosovë, këto organizata në sipërfaqe punonin si humanitare ndërsa në anën tjetër mbledhnin rekrut të ri për ta rrëzuar rendin që kishte filluar Kosova pas lufte. Rastet e shpeshta ta rrahjes persekutimeve dhe të kërcënimeve të vazhdueshme të të krishterëve apo edhe të tjerëve në Kosovë kishin prejardhjen nga këto organizata terroriste dhe këta njerëz që po e errësojnë Kosovën dhe po ia ndalojnë rrugën e demokratizmit ,shtetndërtimit dhe të integrimit në unionin europian.
Duhet cekur se departmenti i SHBA i dates 30.04.2009 është një argument i qartë se në Kosovë ekzistojnë mbi 1000 organiza terroriste, dhe se institucionet e Kosovës duhet ta luftojnë këtë dukuri të errët lindore - aziatike, por në anën tjetër institucionet e Kosovës e gënjen vetveten duke u shprehur lirshëm se në Kosovë gjoja nuk paska as shenja më të vogëla të rrezikut nga këto organizata terroriste.
Sigurisht që për institucionet e Kosovës nuk ka shenja sepse ata nuk jane të rrezikuar për shkak të pushtetit që posedojnë, por njerëzit e tjerë dhe vetë Kosova është rrezikuar sa që terrorizmi është brenda vetë Kosovës duke u zier si vullkan dhe ky vullkan një ditë do shpërthej ateherë ku do mbesin shenjat e jo rrezikut nga terrorizmi në Kosovë te institucioneve të Kosovës, atëherë ku do mbetet Kosova, sigurisht se Kosovës do t‘i rrëzohet përtokë fytyra e rrejshme që ka krijuar para bashkësië ndërkombëtare dhe do të mbetet vetem një karikatur e ballkanit.
Prandaj institucionet e Kosovës duhet të jenë realiste dhe të hapur para bashkësisë ndërkombëtare si dhe t‘i tregojnë se në Kosovë ka rreziqe te mëdha të terrorizmit. Kur departmenti i SHBA thotë se në Kosovë ekzistojnë organizata terroriste islamike, atehere kush janë institucionet e Kosovës që me plotë komoditet të flasin se gjoja në Kosovë nuk paska fare organizata të tilla.
Ndërsa duhet ditur se terrorizmi sot është globalizuar nuk është i përcaktuar vetëm në një vend, dhe asnjë vend sot nuk mund të jetë aq i sigurt, dhe aq imun sa të thotë me komoditet se nuk është i rrezikuar kur dihet se bota pas 11 shtatorit 2001 ka ndryshuar në raport lindje- perëndim dhe se terrorizmi islamik tani është i shtrirë në tërë boten, prandaj Kosova si një shtet i ri i mbykqyrur është më së shumti i rrezikuar nga organizata të ndryshme terroriste sepse është shtet-foshnje dhe pa kapacitet të mënaxhimit të rrezikut nga këto sëmundje vdekjeprurese lindore-aziatike të terrorizmit islamik.
Sidoqoftë para disa kohësh shkrimtari i njohur Italian Roberto Saviano, kishte shkruar se Kosova dhe disa nga vendet e ballkanit do jene mbjellëse të lëndëve narkotike, ja se që nënvizon ai në një intervist dhënë në gazeten Shqip“E shoh me kureshtje të madhe mafien shqiptare, sepse ka një ëndërr të madhe te mafiozët e mëdhenj shqiptarë. Ta bëjnë Kosovën Kolumbinë e re të Evropës. Të mbjellin kokainë transgjenike, që të rritet në temperatura të ndryshme nga ato të Amerikës së Jugut. Të mbjellin kokainën transgjenike në Kosovë dhe të lejojnë mafien shqiptare të ketë monopolin e kokainës. Sot nuk mund të bëhet, sepse kokaina transgjenike, që tashmë ekziston në Kosovë, është shumë e kushtueshme. Prandaj nuk ka leverdi. Është më e leverdisshme ta importosh nga Amerika e Jugut se ta prodhosh. Por pas njëzet vjetësh, Kosova do të jetë padyshim Kolumbia e re. Të gjithë vëzhguesit ndërkombëtarë mendojnë se do të ndodhë kështu.“Nga kjo mund të themi se Saviano kishte të drejtë, sepse sot në Kosovë për çdo ditë shohim toka të mbjella me lëndë narkotike dhe ajo që ka nënvizuar Saviano tregon qartë se Kosova po behet dita ditës një shtrat dhe tokë e leverdishme e mbjelljes së kokainës transgjenike.,pra edhe në këtë rast faktet në terren tregojnë se Saviano kishte të drejtë!(…)
Pastaj në anën tjetër çështja e rrezikut nga terrorizmi në Kosovë është serioze dhe ka mjaftë argumente ne terren që dëshmojnë praninë e organizatave të tillë sado që institucionet e Kosovës mundohen t‘i ikin apo të fshehin gjurmët, ato po dalin në sipërfaqe për çdo ditë siç ishte rasti i shqiptarit të Kosovës me grupin e tij xhihadist në Karolinën veriore. Ky ishte rasti i katërt kur një shqiptar nga Kosova është pjesë e organizatave të tilla terroriste, ndërsa në Kosovë të mos flasim më shumë kur dihet se atje ka ekstremistë që për çdo ditë shtohet numri i tyre dhe se këto organizata kanë si qëllim rrëzimin e rendit te filluar demokratik dhe ngritjen e një shteti islamik në Kosovë. Prandaj SHBA, BE dhe tërë bashkësia ndërkombëtare kanë të drejtë që i bëjnë me dije institucioneve të Kosovës, se në Kosovë duhen luftuar këto dukuri të tëmerrshme dhe se integrimi në Unionin Europian nuk besohet se do jetë i mundur për një kohë të gjatë. SHBA dhe BE me mijëra here i ka dërguar institucioneve të Kosovës argumentet në lidhje më rastet e rrezikut nga terrorizmi islamik, por institucionet e Kosovës meqe jetojnë në një planet tjetër nuk kanë bërë asgjë në këtë drejtim dhe i kanë injoruar, por kjo më vonë do i kushtojë shumë shtrenjtë dhe do e dëmtojë procesin dhe të ardhmen e Kosovës në rrugën e integrimeve në strukturat perëndimore.
Dhe krejt në fund rreziku i terrorizmit islamik në Kosovës është i madh, prandaj institucionet e Kosovës duhet ndërrmarin hapa urgjent në shuarjen dhe pastrimin e terrenit nga këto rryma ekstreme islamike, në rast se vonohen në këtë drejtim atëhere Kosova do mund të bëhet strofkë e gjarpërinjëve të terrorizmit islamik, dhe më vonë do ketë konsekuenca të pariparueshme sa që as filtrimi i lëngut nervor të procesit të ardhmërisë nuk do mund të bënte punë.

(Vota: 15 . Mesatare: 3.5/5)