Lëvizja për Rikthim: Gënjeshtra islamike si projekt i trysnisë fetare dhe politike

Gënjeshtra islamike si projekt i trysnisë fetare dhe politike

Nga Lëvizja për Rikthim

Veprimet e fundit publike të Bashkësisë Islame të Kosovës (BIK), përfshirë përhapjen e deklaratave të pavërteta dhe tendencioze, paraqesin sjellje që përmbushin elementet thelbësore të veprave të ndaluara nga legjislacioni penal i Republikës së Kosovës, në veçanti ato që lidhen me dezinformimin e qëllimshëm, nxitjen e urrejtjes, dhunës, përçarjes dhe mosdurimit, si dhe rrezikimin e rendit dhe sigurisë publike.

Përhapja e pretendimit të rremë për kinse djegien e Kuranit në Gjakovë, si dhe përpjekjet e vazhdueshme për të inskenuar ngjarje dhe për t’ia atribuar ato Lëvizjes për Rikthim, përbëjnë veprime të kryera me plan operativ, të cilat synojnë manipulimin e ndjenjave fetare, krijimin e tensioneve shoqërore dhe cenimin e bashkëjetesës qytetare. Këto veprime, për nga natyra dhe pasojat e mundshme, biejnë në kundërshtim të plotë me dispozitat penale që ndalojnë nxitjen e urrejtjes dhe cenimin e rendit kushtetues.

Po ashtu, vazhdimi i përhapjes së pretendimit se Lëvizja për Rikthim është themeluar ose dirigjuar nga struktura serbe përbën deklarim faktikisht të pavërtetë, të bërë me qëllim diskreditimi dhe delegjitimimi publik. Ky veprim i hapur i strukturave të shtetit islamik në ardhje, përmban elemente të cenimit të rëndë të reputacionit, keqinformimit të opinionit publik dhe nxitjes së tensioneve ndërfetare, duke krijuar rrezik real për sigurinë publike dhe paqen shoqërore.

Lëvizja për Rikthim paralajmëron opinionin publik dhe misionet ndërkombëtare për reagimet e vonuara institucionale. Reagimi pas shpërthimit të ndonjë dhune të inicuar nga BIK-u dhe grupet me prirje terroriste të afërta me këtë institucion, nuk mund të konsiderohet masë efektive e mbrojtjes së rendit publik, por do të trajtohet si sjellje formale dhe e planifikuar kundër shqiptarëve që largohen nga feja islame dhe nuk pranojnë të jenë musliman.

Mungesa e veprimit preventiv, pavarësisht sinjaleve të qarta paralajmëruese dhe të përsëritura, i ka krijuar dhe i ka thelluar dyshimet e arsyeshme për ekzistencën e një plani më të gjerë të pastrimit fetar të Kosovës, i cili bie tërësisht në kundërshtim me detyrimet ligjore të institucioneve për mbrojtjen e sigurisë publike dhe rendit kushtetues.

https://www.facebook.com/levizjaperrikthim