Kalosh Çeliku: A pritet të përmbytet nesër edhe Shkupi

A PRITET TË PËRMBYTET

NESËR EDHE SHKUPI

NGA KALOSH ÇELIKU

Shqipërinë, as Republikën e Kosovës, po edhe Maqedoninë e Veriut, nuk e shpëtoi Krishti, as Muahmedi a. s. Aqmëpak, politikanët të cilët merren me politikë “madhore”, dhe hoxhallarët me “Allahu Akber” nateditë në minare pa flamurin kuqezi shqiptar me shqiponjën e zezë dykrenare të xhamive turko-arabe. Gjithë jetën si politikanë të krishterë dhe “muslimanë” me “Din e Iman”, duke u marrë me luftë politike për pushtet, poste partiake dhe pasuri. Ndërtimin e kryqave edhe nëpër male, dhe xhamive me dy e katër minare. Jo, të shkollave në gjuhën shqipe, kanalizimeve dhe shtretërit e lumenjëve. Shkaku, që i dënoi Natyra me shi dhe përmbytje, duke i fshikulluar gabimet e tyre politike në kurriz të popullit.

Partitë e Sotshme politike - “demokratike” shqiptare në pozitë dhe opozitë, njëra pas tjetrës vijnë edhe ikin një ditë në Histori. Populli Shqiptar, e vazhdon rrugën dhe Jetën e tij dhiareve të maleve, ende me zgjedhje lokale dhe parlamentare për pushtet dhe pasuri. Dje, komuniste. Sot, Neokomuniste.

Ndonjëra parti politike shqiptare, në Ditën e Sotshme edhe na pjellë kopila, dhe pasmesnate tinëz na i flukë lyrekë pas porte. Mëkot, përpiqen ta tejkalojnë Partinë Komuniste të Punës në Shqipëri. Partinë Komuniste të ”vëllazërim -bashkimit” në Kosovë, Partinë Komuniste jugosllave në Maqedoni. Fatkeqësisht, ende janë Larg me këtë brumë partiak me krunde. Çerepin me bukë misëri dhe saçin me shpuzë mbi kokë.

Ende, e kanë vështirë në Ditën e Sotshme ta tejkalojnë Partinë e Punës Komuniste të Shqipërisë, dhe Partinë Komuniste të Jugosllavisë. Shkaku, se: i kanë brekët me arna përmbi arnë nëpër këmbë. Përderisa, Partia Komuniste ndërtonte kanalizime, rrugë dhe pallate për popullin e pa strehë, dhe asj kohe nuk kishte aq shumë vërshime atmosferike. Partitë e sotshme “demokratike” Neokomuniste, ndërtojnë pallate biznesi për hajdutët e tyre partiak. Dhe, tri – katër anije “turistike” në shtratin e lumit Vardar. Pengesa, dhe prita për rrjedhën e lumit, i cili pas reshjeve të rrëmbyeshme, mund edhe të dalë nga shtrati t’u sulet përmendoreve të Alaksandrit Madh në sheshin “Makedonija”. Filipit të Maqedonisë dhe Olimbisë me fëmij në bark, gji e prehër nën Kalanë e Shkupit.

I kanë ngarkuar qytetet: në Shqipëri, Kosovë, dhe Maqedoninë e Veriut me ndërtime biznesi partiake me leje e pa leje?! Dhe, kanalizime, që i ndërtoi sistemi ish komunist. Dihet, asaj kohe me pak banorë, pallate e përmendore më këmbë e kuaj me shalë e pa shalë të armatosur me thika, shpata e pushkë. Ky, sistemi Neokomunist i sotshmi i ngarkuar me gjithë këto banorë e ndërtime të pallateve partiake biznesi, përpieqet me ato kanalizime komuniste t’i tejkalojë problemet Natyrore të Ditës Sotshme?!

Arsye, që u nervozua edhe vetë Natyra e pamëshirshme. I dënoi me shi dhe përmbytje, gati gjithë Shqipërinë. Edhe, Republikën e Kosovës. Hë, për hë, e mëshiroi Shkupin Historik Shqiptar me lumin Vardar. Komunën e “Çairit”, ende me kanalizime nga sistemi komunist jugosllav, e me parti politike në pushtet dhe opozitë. Pallate biznesi partiake me leje e pa leje si këpurdhat pas shiut.

Vardari, nuk doli kësaj radhe nga shtrati me gjithë këto parti “demokratike “Neokomuniste”. A, do ta përmbysë Natyra edhe Shkupin Historik Shqiptar të Dervish Carës me kryengritësit e viteve 1983 / ’84, dhe Hasan Prishtinës me Bajram Currin të vitit 1912. Krah për krahu me “vëllezërit” në shtetin e “përbashkët” në pushtet dhe opozitë? Nuk i dihet Enesërmja. Ndodhë, me këto politikanë në pushtet dhe opozitë brez pas brezi në luftë për pushtet dhe pasuri, të përfundojë në lumin Vardar mes dallgëve në Greqi.

Nesër, e pretë dënimi Natyrës edhe Shkupin me kanalizime ish komuniste...