Luan-Asllan Dibrani: Gëzuar Krishtlindjet dhe Vitin e Ri!

Të dashur bashkëkombës shqiptarë, Gëzuar Krishtlindjet dhe te gjitha festat e fundvitit!

Uron dhe shkruan Luan-Asllan Dibrani

Kremtimi i Krishtlindjeve në hapësirën shqiptare ka kohë që ka kapërcyer kufijtë e një feste thjesht fetare, duke u shndërruar në një kremte kombëtare që na rikthen natyrshëm në epokën e lavdishme të Arbërit.

Në këtë ditë të shenjtë të Krishtlindjes, ju dërgoj urimet e mia më të sinqerta për paqe, dashuri dhe forcë shpirtërore e fizike. Le të jetë kjo festë një moment reflektimi për të rigjetur vlerat tona më të mira dhe për t'u bashkuar rreth synimeve të përbashkëta.

Me shpresën dhe besimin që Krishtlindjet e ardhshme ky popull do t’i presë më i bashkuar, më i fortë dhe më i përparuar, në harmoni e unitet, pavarësisht ku ndodhet – në shtetet e Ballkanit apo në diasporë.

Në emër të vlerave tona kombëtare dhe të dashurisë për atdheun, ju uroj Krishtlindje të gëzuara dhe një të ardhme plot shpresë dhe suksese! Gëzuar fundvitin dhe urime për vitin e ri! Ky është një moment i veçantë për të reflektuar mbi vitin që po lëmë pas, për të vlerësuar arritjet dhe mësimet që kemi marrë, por edhe për të vendosur synime të reja për vitin që po vjen. Le të jetë ky vit një periudhë e mbushur me mundësi të reja, dashuri, dhe realizim të ëndrrave.

Në këtë fundvit, mund të kujtojmë gjithashtu se sa e rëndësishme është që të jemi pranë atyre që duam dhe të ndihmojmë ata që kanë nevojë. Le të sjellim më shumë mirësi dhe mbështetje në jetët tona dhe të tjerëve, sepse kjo është ajo që ndihmon që shoqëria jonë të bëhet më e fortë dhe më e bashkuar.

Urime për një vit të mbarë, plot me shëndet, lumturi dhe realizime të mëdha! Gëzuar festat!

Gëzuar Krishtlindjet dhe te gjitha festat !

Me respekt dhe përkushtim,
Luan Asllan Dibrani