E premte, 29.03.2024, 11:28 AM (GMT)

Mendime

Valon Jashari: Mos vallë edhe ne shqiptarët e Preshevës duhet të 'rebelohemi'

E hene, 05.06.2023, 06:57 PM


Mos vallë edhe ne shqiptarët e Preshevës duhet të “rebelohemi”

Nga Valon Jashari

Deklaratat e disa përfaqësuese ndërkombëtare dhënë  kohëve të fundit për situatën në veri të Kosovës më lë të kuptoj një fakt se mos vallë edhe ne shqiptarët e Preshevës duhet të rebelohemi dhe me mjete jo edhe aq demokratike ti uzurpojmë institucionet lokale në Preshevë, Bujnoc dhe Medvegje dhe rrjedhimisht policia dhe ushtria serbe nuk kanë çka të kërkojnë aty. Pikërisht ashtu siç po iu kërkohet policisë së Kosovës që të largohet nga përkujdesja e rendit e sigurisë pran organeve komunale në veri të Kosovës.

Diplomacia ndërkombëtare përfshirë disa të dërguar e përfaqësues të institucioneve relevante ndërkombëtare e ambasador  të disa shteteve  me deklarimet e fundit se ‘’protestuesit ‘’ që në fakt ishin huliganët dhe mercenarët serb e rus, kishin të drejt të demolojnë instuticionet e shtetit të Kosovës në këtë rast ato komunale në Kosovë lë të kuptoj se mos vallë pikërisht ndoshta bashkësisë ndërkombëtare po i nevojitet një krizë në këtë rajon. Ndryshe këto deklarime janë më tepër nxitëse dhe motivuese për këto struktura paralele në veri të Kosovës. Gjithsesi deklarimet e tilla kanë bërë që edhe Vuçiq të ndërmarr veprime konkrete duke aktivizuar ushtrinë e saj dhe duke sjellë në kufi të Kosovës.

Nëse këta kryetar komunash që janë zgjedhur në mënyre shumë demokratike nuk paskën legjitimitetin e mjaftueshme të shumicës atëherë si kanë mundësi që ato grupe kriminale paskën të drejt të qeverisin në këto institucione lokale që për mbi dy dekada kanë qenë të përfshirë në krim dhe kontrabandë dhe atë edhe në sulme terrorist ndaj sistemit juridik e kushtetues të Kosovës. Pikërisht nga këto struktura kriminal të dirigjuar nga Beogradi në këtë pjesë të Kosovës kanë vrarë civil shqiptare, kanë shpërngulur të gjithë popullatën shqiptare nga ana veriore, madje kanë vrarë edhe polic të Kosovës, të EULEX-it, plagosur ushtar të KFOR-it, kanë hedhur me qindra bomba nëpër objekte private e komunale dhe krejt në fund kinse me disa marrëveshje me ndërmjetësimin e bashkësisë ndërkombëtare dhe disa politikaneve shqiptare nga periudha 2000 deri më 2017 qenkan integruar në sistemin juridik  e kushtetues të Kosovës. Fatkeqësisht këto struktura kriminale në veri kanë operuar me një pjesë dërrmuese të lidershipit të Prishtinës në qeveritë e kaluar përfshirë që nga pas lufta edhe atë duke dëmtuar shtetin e Kosovës duke pasur në mes tyre lidhje biznesi e kontrabande.

Një gjë mos të harroj bashkësia ndërkombëtare se ne shqiptarët   nuk do të dalim të humbur po që se do filloj lëvizja e kufijve në Ballkan. Kjo lë të kuptoj vetë fakti se katër kryeministra në Ballkan tani më janë shqiptare dhe po që se do te ridizajnojm hartën ballkanik,  tani më kemi mjaftueshëm mundësi ti realizojmë aspiratat tona. Në anën tjetër Serbia me një Rusi të dërrmuar nga lufta në Ukrainë është shumë e rrugës që Serbia të marrë mësim nga lufta në Ukrainë pasi që rezultati i kësaj lufte do të dihej me një humbje të Serbisë.

Do të inkurajoja që bashkësia ndërkombëtare  së paku një herë gjatë këtyre dy dekadave të fundit të deklarohet edhe për ne shqiptarët e Preshevës Bujanocit dhe Medvegjës se e drejta jone legjitime është të jetojmë me Kosovë, pasi që nëse serbet ne veri edhe pse janë kolon të ardhur atë pas luftës së Kosovës gjatë viteve 1997-98 paskën të drejt qeverisje lokale dhe ruaj të drejtpërdrejt të  lidhjeve me shtetin serb atëherë si nuk paskemi ne shqiptarët e kësaj ane apo përse bashkësia ndërkombëtare së paku nuk qëndron një përfaqësuese më e denjë edhe për pakicat tjera. Unë e kuptoj faktin e luginës sime Preshevës se ka qenë edhe është në duart e një shtrese politikanësh të dirigjuar dhe dhe në shërbim të Serbisë por të drejtat e njeriut janë mbi të gjitha dhe  bashkësia ndërkombëtare nuk duhet të hesht.

Atëherë kur ne ndoshta do të zgjidhnim mjete e fundit për tu vetëmbrojtur nga agresori shtetëror serb na dalin disa të ‘’dërguar’’ dhe na kërkojnë mjetet të justifikueshëm demokratike të jenë në rend të parë.



(Vota: 0)

Komentoni
Komenti:


Gallery

Pëllumb Gorica: Magjia e bukurive të nëntokës sulovare
Fotaq Andrea: Një vështrim, një lot, një trishtim – o Zot sa pikëllim!
Pëllumb Gorica: Grimca kënaqësie në Liqenin e Komanit
Shkolla Shqipe “Alba Life” festoi 7 Marsin në Bronx
Kozeta Zylo: Manhattani ndizet flakë për Çamërinë Martire nga Rrënjët Shqiptare dhe Diaspora