E enjte, 28.03.2024, 08:58 PM (GMT)

Kulturë

Neki Lulaj: Ti, njeri latues i lumturisë

E marte, 25.04.2023, 06:49 PM


Shkrimtari Sejdi Berisha me poetin Neki Lulaj

TI, NJERI LATUES I LUMTURISË...

(Mikut tim, shkrimtarit dhe publicistit, Sejdi BERISHA)

Nga Neki LULAJ

Përmbi vargje përtërijnë fjalët

Mbi alpet e librave plotë jetë

Përtej amaneteve të prindërve

Edhe e të parëve përtej

Përtej kufijve të mendimeve tuaja yjore

Lëviz me shkathtësi harta e shpirtit tënd

Përtej…

Përtej vargjeve tuaja lirike

Idhnaku i vargut modern

Fjala jote

Zemër e shpërndarë cep më cep

Ti, Xeherore e mendimit të thellë

Burrë urtak e shumë fisnik

Me zemër sa e tërë Dardania

Miku i madh me shumë miq

Fjala jote prej mendimtari

Që shndritë natën me skuta

Shpirti yt i derdhur në shkronja

Ar e farë mbjellë në shkolla

Për miqtë e fjalës

Ti hap vatra diturie

Bukur shkruani dhe vulosni epoka

Me motive të zjarrta dashurie

Vargu i juaj si i Naimit

Që natën e gjatë e bëri dritë

Muza e jote Hartë shqiptarie

Në Luginë, n’Preshevë

Në Çamëri dhe në Iliridë

Zografove mijëra vargje e fletë

Që bartin dhembje halle derte e luftëra

Duke e gavruar shpirtin e çiltër

Me frymëzimet

Që nga Njeriu pa shtëpi

Nga Prapaqani dhe Lëbusha

Mendimi i juaj kullon veç njerëzi

Bash si uji që rrjedhë nga gurra

Kuvendon edhe me baballarët e kombit

Heronjve u gritë lapidare

Në kala në sheshe dhe në kulla

Proza e jote dhe poezia

Gurgullojnë si valët e Lumëbardhit

Ato duhet të kthehen në skenar filmi

Janë plotë mesazhe lumturie

Shpresash dhe madhështie

Mes lulesh përrallore

Me plotë drita dashurie

Fjala jote është vetë simfonia

Që në shpirt gjithmonë drithëron

Me tanë atë hartën e gjeografisë shqiptare

Shkreptimë drite në errësirë lëshon

Në mes rimash kur era frynë

Ligjërojnë shkronjat e shqipes

Abetare nëpër shkolla

Temë studimesh në universitet

Lahutë Malësie në oda miqsh

Vargu yt yjor gjethon si prilli

Thinjat në kokë si bora në Sharr

Shtati yt si qetinë mali

Buzagazi behar maji

Qëndrimi yt burrëror

Edhe me shpirt të madh

Fjalëngrohtë që zgjedhë çdo nyje jete

Ti njeri latues i lumturisë...

(E mërkurë, 12 prill 2023/22:50)



(Vota: 3 . Mesatare: 5/5)

Komentoni
Komenti:


Gallery

Pëllumb Gorica: Magjia e bukurive të nëntokës sulovare
Fotaq Andrea: Një vështrim, një lot, një trishtim – o Zot sa pikëllim!
Pëllumb Gorica: Grimca kënaqësie në Liqenin e Komanit
Shkolla Shqipe “Alba Life” festoi 7 Marsin në Bronx
Kozeta Zylo: Manhattani ndizet flakë për Çamërinë Martire nga Rrënjët Shqiptare dhe Diaspora