Gjon Keka: Si e mori emrin apo titullin ''Skënderbe'', Gjergj Kastrioti ynë

Si e mori emrin apo titullin ''Skënderbe'', Gjergj Kastrioti ynë

Nga Gjon Keka

Në disa literatura gjejmë se me t'u marrë pengë atij iu dha emri Skënderbe,por ka edhe dokumente historike tjera se si në fakt ai e mori këtë titull apo emër të famshëm të Lekës(Skënderbeut).

Kështu nisur nga kjo nuk ishte Sulltani i cili i vendosi i pari epitetin si Skënderbeu ose Leka(Aleksandër), Gjergj Kastriotit, por historia e dhënies së këtij epiteti apo titulli, është ndryshe sipas disa kronistëve dhe dokumenteve e përshkrimeve historike të asaj kohe.

Thuhet se pas një beteje përcaktuese e strategjike që Gjergj Kastrioti kishte fituar me ushtrinë e tij që komandonte nën oborrin e Sulltanit, pasi u kthye triumfues i plotë i saj, duke hyrë në oborrë të gjithë ushtarët që kishin parë me sytë e tyre atë fitore e quanin Skënderbe ,Skënderbe e që në gjuhën arbërore i bie Leka(Aleksandër), Leka (Aleksandër). Me të dëgjuar Sulltani se si ushtarët e thërrisnin kështu Gjergj Kastriotin ai thirri afër vetes disa nga ushtarët dëshmitar dhe i pyeti se pse e thërrisnin atë ashtu, ata i shpjeguan për mrekullitë që sytë e tyre kishin parë dhe fitoren e marrë si rrufeja nga i madhi Gjergj Kastrioti. Atëherë Sulltani i urdhëroj dekoruesit e titujve sipas protokollit dhe e nderoi e i dha titullin Skënderbe ose Leka(Aleksandër). Poashtu ka edhe kronistë tjerë që thonë se këtë epitet,titull apo atë emër e mori pasi fitoi në duelin ndaj Jampsa dhe Sajas ,pra beteja e dy kundërshtarëve me vetëm Gjergj Kastriotin përballë.Sido që të jetë nga ajo kohë ai mbante edhe atë titull sipas meritës së plotë të tij dhe virtyteve e karakterit që kishte arbërori ynë Gjergj Kastrioti i Madh.