Zog Hysenaj: Plagët e Kosovës

Plagët e Kosovës

Nga Zog Hysenaj

Në trungun që mban një pemë,

Si një zjarr ra prej rrufesë,

Ishte e hapur një shpellë,

Lapidar i UÇK-esë.

Epitaf-simbol lirie,

Si një dritë e penxheresë,

Shndritë në shpresë si dritë hyrie

Një ushtare e UÇK-esë.

Si rrufe që bjen nga reja,

Si një shpell hapur prej sajë,

Plaga n'trup, degët e reja,

Shekujt mbi supe t’i mbajë.

Aty fle për jetë  kujtimi,

Aty zgjuar rri trimëria,

Shqiptaria në trup trimi,

Trung i moçëm Shqipëria.

Nuk ka top që ia da rriten,

Nuk ka luftë që e rr’zon për tokë,

Sa ma shumë degët t’i priten,

Ma shumë rritem, ai thotë.

Aty janë plagët e vjetra,

Aty jane besa e toka,

Aty asht me plumba setra,

Aty jan' predhat me topa.