Demir Krasniqi: Sahit Baftiu - guximtar dhe atdhetar

SAHIT BAFTIU – GUXIMTAR DHE ATDHETAR ( 1952 – 16.04.1999)

 

Sahit Baftiu  ishte profesor i rrallë ,

Që regjimit serbë i rrinte për ballë !

Jo vetëm me fjalë që ishte kundërshtarë ,

Por edhe me pushkë që i jepte zjarr !

 

Kishte gjak shqiptari e zemër guximtare ,

Që mbronte studentet dhe simbolet kombëtare !

UÇK-ën  n’ Zhegoc e priti me kënaqësi –

Iu bashkua e dha kontributin  e tij !

 

N’ ofensivë t’ Zhegocit ,  në luftë për çlirimin –

U vra  Sahit Baftiu bashkë me vëllain Shahinin !

Në Zhegoc u vra me djalin Kastriotin ,

Se Atdheun e donin pak ma shumë se Zotin !

 

Ata u vranë nga forcat  çetnike të tremës  –

Mu në jug të fshatit , te “Lugu i Demës” !

Më 15 e 16 Prill  ‘99 –

N’ Malësinë e Zhegocit , 31 dëshmorë ranë !

 

Ra  Sahit Baftiu , trim e guximtarë –

Kurrë s’ ishte pajtuar me sllavët barbarë ,

Që përmes regjimit sllavo  komunist –

Tentonin t’i  sillnin shqiptarët me një gisht !

 

Si Sahit Baftiu , pak kush kish guximin –

Pushtetarëve serbë t’ua shpreh kundërshtimin !

Kundër padrejtësive që ushtronte pushteti –

Përmbi t’ gjithë shqiptarët që nuk i donte shteti !

 

Për këto qëndrime dhe për shumë arsye –

Regjimi i kohës e kishte halë në sy !

Dhe  Sahit Baftiun , pëllëmbë pas pëllëmbës –

E përcillte UDB-ja , kudo këmba – këmbës !...

 

Me nxënësit ishte profesor i shkëlqyer ,

Me punë i paepur , pedagog  i rryer ...

Përmes ligjërimeve të agronomisë –

Përcillte mesazhet e Lirisë dhe Pavarësisë !...

 

Arsimi dhe Atdheu ishin detyrat e tij parësore –

Këtyre me gjithë qenien iu përkushtohej prore !

Që t’ mos i mungojë një pendël shqiponjës ,

Që t’ fluturojë e lirë mbi qiellin e Kosovës !

 

Patriotizmin e kishte traditë familjare –

T’ mos kursehet jeta për çështjet atdhetare !

Xhaxhai i tij, Saqipi n’ moshë 20 – vjeçare –

Kishte rënë  heroikisht  në çetën vullnetare !

 

Me shpirt e me zemër ishte me UÇK-në ,

Nuk i trembej vdekjes për Lirinë, Atdhenë !

N’ Shtab të Zonës Operative të Karadakut –

Qëndronte i paepur  si shtylla e  bajrakut !

 

Formimin e ZOK-ut  e priti me  krenari –

Në Zhegoc , që ishte vendlindja e tij !

Këtu  Sahit Baftiu , ky bir i Malësisë –

Iu bashkua Shtabit me trimat e Lirisë !

 

Me zemër çeliku plot me trimëri –

I kryente detyrat  me  shumë besnikëri !

Çdo detyrë që Shtabi , n’ besim ia ngarkonte –

Pa fije dyshimi e  realizonte !

 

Do t’ kujtohet gjatë viti  ‘99 –

Gjakderdhje e lot vërshuan mbi këto anë !

Ishte ditë e Premte e 16 Prillit ,

Që u shuan nga jeta , porsi rrezja e Diellit !

 

Afër Plitkoviqit , n’ Zhegoc të  Malësisë –

Ra Sahit Baftiu n’ altarin e Lirisë !

Bashkë me djalë të vet engjëll Kastriotin –

Me qiell lirie e kurorëzuan  motin !

 

Me vëllain Shahinin dhe dhëndrin Bahriun –

Sollën këngë lirie për bujkun, bariun !...

Me këngë e urata , me lule t’ kurorës –

Qoftë i lehtë për Ju , dheu i Kosovës !

 

Gjilan, më 16.04.2016.        Demir KRASNIQI