Rrustem Geci: Epopea e shpirtit

Rrustem Geci

EPOPEA E SHPIRTIT

Në të përgjithshmen e shpirtit

shpirti do të kujdesemi për të

që të mos qahet i përmalluar

ta veshim mirë e ta mbathim

Në jetën tonë të përditshme

shpirti i do lëngjet e firmave

do ta qërasim me dashnore

me yje të filmit e të bukurisë

Shpirti është fëmijë me teka

ai s´beson në zot abstrakt

dëshpërimin e ka fëminor

dhe zemërimin e ka të ashpër

Shpirti është fëmijë tragjik

dhe më qerratai i kraharorit

ai i do qejfet dhe dashuritë

dehjen e më të çmendurit!..

poezi nga libri "Ajri dhe koha"