Beqir Cikaqi: Shqiptarët në Treviso - Gëzuar Kosovë!

Shqiptarët e Trevisos e festojnë 17 Shkurtin, me moton:

KOSOVË, ATDHEU YNË – GËZUAR

GJASHTË VJET PAVARËSINË!

Nga Beqir Cikaqi, Treviso

Numri i emigrantëve shqiptar ne Krahinën e Venetos në Itali, është bukur i madh, të cilët kryesisht janë të  preokupuar për sigurimin e kushteve jetësore këtu, por edhe në atdhe. Kështu, edhe pse jetojnë në një vend të huaj, nostalgjinë për Atdhe nuk e shuajnë! Dhe brenda mundësive  zhvillojnë edhe aktivitete, kuptohet aty ku kanë mundësi!...

Emigrantët shqiptar bashkërisht festojnë  28 NËNTORIN- Ditën e Flamurit tonë kombëtar, që është edhe dita e pavarësisë së Shqipërisë Londineze ( jo edhe e Shqipërisë  Natyrore-Etnike): Me shpalljen e Pavarësisë së Kosovës me 17 Shkurt 2008, festohet çdo vjet edhe kjo datë, sipas mundësive që kanë.  Këto dy festa në vende të huaja. Kuptohet nuk mund te festohen në datën e caktuar, por zakonisht vikendeve. Kështu ndodhi edhe në vikendin që lamë pas ku u festua 6-të Vjetori i Pavarësisë së Kosovës në Bassano del Grappa (në dy vende të shtunën e të dielën), Montebeluno dhe Treviso(të shtunën).

Në Treviso, të shtunën me 15 shkurt 2014 u festua ne Paderno di Ponzano, në sallën ku mbahen zakonisht manifestimet, me moton: KOSOVË, ATDHEU YNE- GËZUAR GJASHTË VJET PAVARËSINË! Organizator të këtij evenimenti ishte Shoqata ILIRIA  dhe UNIKOMB. Të pranishmit i argëtuan: Gjin Shani, Elhame Ahmetaj, Imer Kurti, etj. Dhe grupi artritik i Shoqatës ILIRIA.

Programin e moderoi Boralda Kuçi nga Durrësi e diplomuar për gjuhë të huaj, e cila që në fillim i ftoi të pranishmit ta përcjellin Himnin Kombëtar Shqiptar  dhe atë Shtetërorë të Kosovës.

Të pranishmit, në emër të UNIKOMB-it i përshëndeti z. Ilir Hooxhaj, veprimtar, ndërsa në emër të Shoqatës ILIRIA, presidentja z. Ermira Zhuri. Një historik të shkurt  të Kosovës deri në Shpalljen Pavarësisë me 17 Shkurt 2008 e  prezantoi autori këtij shkrimi(B.C.). Nga vendorët(italianët) të pranishmit i përshëndeti duke i përgëzuar për festën Don LUIGI, një humanist i dalluar për shqytarët, andaj me meritë, Shoqata ILIRIA i ndau një mirënjohje, të cilën e pranoi nga presidentja e Shoqatës. Ndërsa zonja Mardena Kelmendi, pati një mesazh të fortë për të pranishmit dhe gjithë emigracioni shqiptar jo vetëm në Veneto. Gjithashtu i njoftoi të pranishmit edhe për aktivitetin e ardhshëm me 28 shkurt, kur  nga Shqipëria do të vijnë artistet: Tinka Kurti, Rosa Anagnosti, Margarita Xhepa,Teuta Topi,  Silvana Braçe, Irini Qirjako, Rajmonda Stefa, Vllasova Musta, dhe antare të tjera të Fondacionit NERMIN VLORA FALASCHI.

Të pranishmit u kënaqen me poezitë e interpretuara për Kosovën, Dëshmorët, Gjuhën, Flamurin, etj. nga  fëmijët, si: Alban Sopaj, Arbesa, Linda, Valentina e Dardan Kurti dhe Valmira Abazi, të cilët u paraqiten herë pas here në skenën e stolisur me flamuj: Kombëtar,  shtetëror të Kosovës, flamujt e shoqatave dhe të firmave që  sponzoruan.

Recitalin me moton e titullit të këtij shkrimi e paraqiti Halit Cikaqi, i ndihmuar nga fëmijët ( Dëfrimi, Ideali, Armendi, Albani, Nazifi dhe Jetoni) qe mbanin bluzat e me ngjyrat e flamurit te Kosovës, dhe në dorë nga një  shkronjë me sfonde të ndryshme ngjyrash, ku në njërën anë bashkërisht jepnin emrin ATDHEU, e në anën tjetër KOSOVA!

Edhe Grupi i valleve me veshje kombëtare e pasuruan këtë festë që u pëlqyen shumë nga të pranishmit, për çka merrnin duartrokitje te herë pas hershme. Disa paraqitje dinjitoze pati Imer Kurti   në vallëzim, këndim dhe interpretim të poezive. Ndërsa këngëtarja mirënjohur për mërgimtarët e këtushëm Elhame Ahmeti e ndezi sallën me zërin e sajë.

Konferencierja,  Borlanda Kuçi,e mbylli programin e rregullt duke iu uruar edhe njëherë festen e 17 shkurtit – DITEN E PAVARËSISË KOSOVES, ndërsa me muzikën e zgjedhur te këngëtarit shkodran, Gjin Shani festa vazhdoi edhe për një kohë, duke u hedhur ne valle shume të pranishëm,e të tjerët merrni fotografi të përbashkëta në shenjë kujtimi.