Demir Krasniqi: Manastir - fole shqiponjash

105 vjet Alfabet :

MANASTIR – MEKA E SHQIPTARËVE

Teksti dhe muzika : Demir Krasniqi

Manastir ,  fole shqiponjash ,

Legjendar dhe djep i shkronjash !

Ti , na bëre me alfabet –

Nuk na le analfabet !

T’ faleminderit Manastir ,

Dritë e kombit xhevahir !

Iu dhe shkronjave rrugë të mbarë ,

Dritë e jetë kombit shqiptarë !

Gjithë kah flitet bukë e kripë –

Flasim shqip e shkruajmë shqip !

Kem të shenjtën Abetare –

Shkronja t’ arta n’ gjuhë shqiptare !

Manastir – Meka e shqiptarëve ,

Lavdi veprës së prijatarëve !

Lavdi trojeve të Kastriotit ,

Që gëzojnë këtë gjuhë të Zotit !

Gjilan, më 06. 12. 2013.