Florim Zeqa: Ja pse duhet votuar fryma rugoviane

Ja pse duhet votuar fryma rugoviane e LDK-së!

Nga Florim Zeqa

Periudha e viteve të '90-ta, apo siq jemi mësuar ta quajmë periudha e levizjes paqësore, është periudha më e ndritshme e historisë së kosovës.

Eshtë kjo, epoka e sundimit të vlerave njerëzore, që mbanë një ëmër të përbashkët-Epoka Rugoviane.

Funksionimi i shtetit paralel nën rrëthanat e okupimit klasik, ndodhi jo si rezultat i sundimit të ligjit, e as nga forca e pushtetit, por kjo erdhi si shprehje e vullnetit qytetar, e një gadishmerie kolektive, e një humanizmi dhe solidariteti të lartë qytetar.

Moto e veprimtarisë së aktivistëve dhe veprimtarëve të LDK-së asaj kohe ishte, dhënja gjithçka nga vetja për shtetin e Kosovës. E gjithë veprimtaria zhvillohej në baza vullnetare dhe pa asnjë kompenzim material.

Privilegji që mbante gjallë veprimtarët e asaj periudhe ishte satisfaksioni moral dhe mbështetja e fuqishme nga ana e popullit, motiv ky i pakrahasueshëm më vlera parash apo privilegje pushtetesh të ditëve të sotme.

Vetëdijësimi i popullatës ishte në nivelin më të lartë të mundshëm.

Të pasurit ndanin gjithë çka kishin më të varfërit dhe nevojtarët, këta të fundit ndihmat që u vinin nga bashkatdhetarët e tyre i trajtonin jo si lëmoshë por si ndihma shtetërore.

Ata që ndihmoheshin, pranonin vetëm atë që ju duhej e jo më tepër,..."shkoni të tjetri së unë kam mjaftë", ishin përgjigjet më të shpeshta që hasnin aktivistët gjatë punës në teren.

Kur flasim për epoken e viteve të '90-ta, duke e krahasuar më epoken e pasluftës, e në veqanti të pas-pavarësisë, aspak nuk gabohet nëse e quajmë Epoka e vlerave njerëzore dhe kombëtare, pasi gjithëçka ishte e brumosur më vlera të pastra, moral të shëndoshë dhe kulturë të bazuar në tradita kombëtare.

Filozofia Rugoviane, nuk është thjeshtë një doktrinë politike, por për më tepër na del si një vlerë e lartë e civilizimit dhe humanizmit njerëzor.

Në terminologjinë fetare, ajo që ndjenë në shpirtë dhe zemër populli quhet HYJNORE, apo e shenjtë,...e tillë ishte Filozofia Rugoviane.

Çdo fjalë apo veprim të Rugovës e ndjente dhe përjetonte thellë në shpirtë populli. I shenjtë mbeti edhe "DURIMI" i tij, si një masë preventive për ruajtjën e qënjës sonë kombëtare nga makineria vrastare e regjimit pushtues të Millosheviqit. Durim ky, të cilin bota demokratike i ktheu si shpërblim Rugovës dhe popullit të tij më intervenimin ushtarak ndaj caqëve serbe që Kosovës i solli çlirimin nga barabaria dhe shtypja e gjatë shekullore.

Pas shënjëtorës më vlera universale-Nënë Terezës, na vjenë shënjëtori i parë në përmasa kombëtare, shpëtimtari i qenjës sonë kombëtare, themelues dhe arkitekt i shtetit të Kosovës-Ibrahim Rugova

Vlerat e tilla kombëtare, shtetet dhe popujt e civilizuar i konsiderojnë të shënjta, dhe tregojnë kujdesin maksimal ndaj tyre.

LDK-ja nuk është thjeshtë vetëm një parti politike, është një pasuri më vlerë kombëtare, që Hyjnori Rugovë na la amanet.

Vota për LDK-në është respekt ndaj Filozofisë Rugoviane , është votë për shtetin e Kosovës, për vlerat kulturore, traditën e bukur e të pasur të popullit tonë.

Janë edhe një mijë arsye të tjera që thërrasin si kushtrim në ndjenjat tona për të votuar partinë që për 24 vjet rresht nuk i ndali përpjekjet për krijimin, bërjën dhe konsolidimin e shtetit të Kosovës.

Andaj mbi të gjitha është edhe nderë dhe privilegj ta vojmë LDK-në;

-është nderë të votosh LDK-në sepse është partia e parë politike në hapsirat gjithëshqiptare që hapi proceset demokrike në tërë evropën juglindore,

-është nderë dhe krenari të votosh LDK-në sepse lider të saj kishte Ibrahim Rugovën intelektualin e përmasave botërore, burrështetasin e përgjegjëshëm që ruajti dhe shpëtoi qënjën tonë kombëtare.

-është nderë dhe respekt të votosh LDK-në sepse është partia politike e shëndrruar në levizje gjithëpopullore, që për afro një dekadë udhëhoqi në mënyrë briliante shtetin paralel dhe mbajti gjallë jetën dhe shpresat e popullit për liri dhe pavarësi.

T'i bashkojmë mendjet dhe zemrat rrethë vizionit rugovian, si e vetmja alternativë e sigurt e ecjës përpara, zhvillimit ekonomik dhe mirëqenjës qytetare.