Luan Dibrani: Famullia shqiptare festoi 100 vjetorin

Famullia katolike shqiptare në Shtutgard – festoi 100 vjetorin e shpalljes së Pavarësisë së Shqipërisë

Shkruan Luan (Asllan) Dibrani

Po i afrohemi një shekulli të ditës  shumë  të pritur, të  lumtur dhe të paharruar për Vlorën heroike, për mbarë Shqipërinë, për Kombin tonë të shenjtë dhe Flamurin e saj. Pas pesë shekujsh robërie, patrioti i mençur i kombit tonë, heroi i popullit, Ismail Qemali, shpalli në Vlorë pavarësinë e Shqipërisë dhe ngriti të lirë dhe me krenari flamurin kuq e zi, që ngriti 5 shekuj më parë, Gjergj Kastrioti i madh, me të njëjtin qëllim që simbolizon lirinë për dhe pavarësinë e atdheut tonë.

Në sajë të njëqind vjetorit të pavarësisë mbarëkombëtare shqiptare, më 14 tetor të këtij viti, Famullia Katolike Shqiptare e Gjermanisë me qendër në Shtutgard, organizoi meshën solemne për të falënderuar të madhin Zot edhe elitën kombëtare për arritjet, sukseset dhe sakrificat e përgjithshme njëshekullore në shërbim të binomit “Fe e Atdhe”. Ky  eveniment u  mbajt  nën juridiksionin e At Marjan Lorencit dhe këshillit  të Famullisë. Edhe këta qytetarë të Republikës së Kosovës, që jetojmë dhe punojmë në Gjermani, në  rrethin e Shtutgardit, tashmë  e kurorëzuam  një fazë  të ndritur historie kombëtare, me veprimtarinë e vet, për të brumosur  aktivitetet, si ato kulturore, artistike  e deri te ato politike, e pse jo, edhe fetare, duke u qasur përmes Shoqatave, Klubeve dhe bashkësive fetare që kanë qenë, që janë dhe do vazhdojnë  të ekzistojnë në të ardhmen, gjithnjë për të mirën dhe përkujdesjen ndaj edukatës, traditës, kulturës dhe frymëzimit për të mbetur shqiptar, për ta penguar asimilimin dhe dukuritë tjera në dobinë e  kombit shqiptarë.

Mërgimtarët tanë, tashmë  kanë filluar dhe po  operojnë,  fakte dhe dëshmi  para  popullit mik gjerman  dhe atij botëror, se dinë të festojnë, dinë të respektojmë dhe se ky komb i vogël i Europës ekspozon  Makro-vlera që  nga Antika. Një komb i madh shpirtërisht po jeton në harmoni dhe barazi me të gjithë kombet tjera. “Misioni Katolik Shqiptar” me qendër në Shtutgart (tash Famullia Katolike Shqiptare), të cilës pala Gjermane qysh para 28 vitesh  sot ia ka hapur dyert për mbarëvajtjen e këtij institucioni fetar dhe kombëtar, sepse Klerikët Katolikë, si gjithmonë kanë dëshmuar për kultivimin dhe zhvillimin e binomit të mirënjohur „Për Fe e Atdhe”, kudo që ka vepruar dhe sot që vepron shpirti shqiptar!

Në famullinë tonë Katolike në Shtutgart, u  festua këto ditë përmes Meshës së organizuar nga At Marjan Lorenci, përmes Këshillit  të  famullisë dhe aktivistëve  e veprimtarëve  tjerë. Nuk u kursyen qe kjo ditë të  marrë një  karakter  festiv dinjitoz  për 100 vjetorin e Pavarësisë së Shqipërisë, qe përmes organizatorëve ishin ftuar  shumë shoqata  dhe organizma    që veprojnë në Shtuttgard dhe më gjerë. Në këtë meshë  impozante e cila i shërbeu manifestimit të pavarësisë  sonë kombëtare,   morën pjesë    njerëz   dhe përfaqësues  nga “Qendra Kulturore  Shqiptare” e Shtutgardit, “Lidhja e Shkrimtarëve  dhe Artistëve  shqiptarë në Gjermani”, “Shoqata Pavarësia  nga Shtutgardi”, “Yjet e Kosovës” nga Emmendingeni i Freiburgut, intelektualë, veprimtarë dhe një numër i madh i  konfeksionit  jo katolik  qe vëllazërisht    e ndien kënaqësinë   rreth   një flamuri, një Kombi dhe një  shteti, shtetit të Shqipërisë së pavarur dhe të bashkuar.

Fillimisht At Marijan Lorenci  i përshëndeti te pranishmit  mysafirët  dhe publikun prezent me ceremoninë e  lutjeve dhe    mbajti një  fjalim    përkushtuar   kësaj dite të madhe dhe të shenjtë - Ditës së pavarësisë se  Shqipërisë,  duke i  nderuar   figurat  e ndryshme  nga  stërgjyshërit tanë  të periudhës iliriane dhe pas kësaj periudhe, si figurën e të madhit  Skënderbe,   rilindësit tanë  që   ishin  gurë themel i  kulturës sonë, Nënë Terezën, një nga figurat më të mëdha në  glob, që  i  dha  ky popull  si  dhuratë   botës, që rrodhi nga   gjiri i këtij populli të vogël, por me format të madh për kulturë fetare e shpirtërore, për humanizëm të pashoq. At Lorenci nuk la pa përmendur edhe    historinë dhe   pasojat  e luftës se fundit  në Kosovë,  duke   i nderuar figurat  ushtarake, si Adem Jasharin dhe  Ushtrinë  çlirimtare të Kosovës,  si ushtri e shenjtë, e nderuar dhe e respektuar, që në sajë të saj dhe faktorit ndërkombëtar,  u çlirua  Kosova jonë. Në  foltore  doli edhe Vitor Spaqi, këshilltar   në Famullinë Shqiptare të Shturtgardit, nga e cila i  përshëndeti  të pranishmit edhe në  emrin e Qendrës Kulturore Shqiptare, nga e  cila  shfrytëzuan rastin duke e nderuar me një mirënjohjeje Famullinë Shqiptare  për veprimtarinë e saj, për kulturën dhe  aktivitetin e saj   kombëtar.

Në mesin e  kësaj ceremonie,  pos meshës së kësaj dite të shenjte  për kombin shqiptar , morën pjesë një   grup i  nxënëseve dhe të rinjve me kostume kombëtare, që aktruan rolet e  figurave të ndryshme,  si atë të Skënderbeut, të Nënë Terezës,  Ibrahim Rugovës, Ismail Qemailit ,  Isa Boletinit, Fan Nolit dhe disa  figurave tjera që   i  gërshetuan njëra pas tjetrës. Derisa bëhej bekimi i Flamurit kombëtar  dhe heroizmi  i qëndresës shqiptare, pëshpëritja e të rinjve  u skenua në korridoret e   sallës.  Të pranishmit ishin të mahnitut nga surpriza dhe befasitë, që të rinjtë e Famullisë  Katolike Shqiptare interpretuan rolet e tyre, që fillimisht  ishte projekt/ide e Mustafë Shabanit. E gjithë kjo ishte e pregatitur nga Motrat e nderit, Motra Terezina Paluca dhe Motra Roza Qerkini, të ndihmuara nga Këshilltaret e Famullisë, në krye me z Vitor Spaqi, aktivisti Zef Prenka  dhe Lon Karrica. Skena nuk pushoj  nga aktrimi në vazhdimësinë e figurave, siç ishin ”E lumja Nëna Tereza”, alias Martina Karrica (audio motra Roza) që të pranishmit u përlotën nga mesazhet e saj, duke porositur popullin shqiptar që të japin gjithçka nga vetja  e tyre, të falënderojnë Zotin për kryerjen e amanetit të ish Presidentit Klinton, që i kishte dhënë Nënë Terezës, që të bëjë Kosovën e Pavarur.

Ajo porositi edhe të vazhdohet rruga e trasuar nga presidenti Dr. Ibrahim Rugova , që më pas në skenë u  shfaq edhe Dr. Rugova, alias Artan Mirdita, i cili i  entuziazmoi të pranishmit me imitimin e tij  për figurën e arktitektit të Pavarësisë.  Ibrahim Rugova, duke falënderuar të gjithë ata që ndihmuan në realizimin e Pavarësisë së Kosovës Dardane, siç e bekonte ai Kosovën, popullin shqiptar, Amerikën, Papa Gjon Palin e Dytë, Nënë Terezën, përmes porosisë që të duan njëri tjetrin, përfundoj  aktori Artan Mirdita. Me këtë rast e nderuan  edhe  figurën e Prof. Anton Çetta dhe e disa figurave tjera që këta  të rinj disa herë u  ndërprenë nga duartrokitje  frenetike,  duke lënë mbresa të  thella  në sytë e të pranishmeve, me çka publiku u nda shumë i lumtur e i ngazëllyer  dhe i ngopur me  sfidimin - artistik  të këtyre aktorëve të rinj. Rolet që interpretuan aktorët e rinj  ishin nën përkujdesjen e zt. Nikollë Selita me inventar të zërimit. Skenarin e bëri Mustafë Shabani, ndërsa regjinë, Zef  Prenka.

Lajmëtari………………..…………….Liridon Përvorfi

Skënderbeu……………….…………...Albert Përvorfi

Kalorësit e Skënderbeut……Valmir Prenka dhe Liridon Përvorfi

Pal Engjëlli…………………………….David Prenka

Ismajl Qemajli………………….……..Ukë Zefaj

Don Nikollë Kaçorri...………………..Alban Buzhala

Luigj Gurakuqi.……….……………….Nol Zefaj

Marigona..……………………………..Adelina Spaqi

Përcjellëset e Marigonës...……....Agnesa Mirdita dhe Flora Spaqi

Nëna Terezë……………………………Martina Karrica

Audio(Nënë Tereza)…………………...Motra  Roza

Dr Ibrahim Rugova…………………….Artan Mirdita

Citat  dhe thirrje nga autori: Qytetarë, vëllezër e motra! Të nderuar  dhe mërgimtarë kudo që ndodheni! Le të mbetet kjo festë në Shtutgard,  si    festë e Flamurit tonë të bekuar, e simbolit dhe e qëndresës që tregoi ky popull  ndaj armiqve tanë të egër, qëllimi i të cilëve ishte që ta lënë këtë popull të robëruar! Urojmë që kjo ditë madhështore të jetë një ditë e shenjtë për të gjitha forcat politike të kombit tonë, për një udhëheqje ma progresive për interesin e kombit tonë. Le të jetë një ditë e kurorëzimit për një qëllim dhe një mendje me një vizion dhe ide, me një strategji dhe synim, me një vullnet dhe harmoni për të gjitha forcat intelektuale, të krijuesve, artistëve, biznesmenëve dhe krejt spektrit në elitën e kombit të bashkohen rreth flamurit tonë. Le të jetë mesazhi më i mirë i kësaj dite madhështore  të veçantë  dhe rrumbullaksim  jubilar për ardhmërinë   vendit.  Kjo festë le të jetë një kushtrim që të na bashkojë më tepër se gjithherë shqiptarët në Shqipëri, Kosovë dhe në trojet tona nën Serbi, Maqedoni, Greqi dhe Mal të Zi .

Vëllezër , motra dhe bashkatdhetarë  në mërgim! Me një theks të veçantë shtojmë se ky takim  do të  mbetet si festë mesazhi, kudo që gjendeni nëpër botë. Është  e nevojshëme që ta shijojmë ngrohtësinë e ngjyrës se këtij flamuri, të kombit që duhet ta ndiejmë veten krenar dhe ballëlartë qe i rezistuam historisë nga armiqtë grabitqarë duke  ruajtur vlerat  e kombit,  gjuhën dhe traditën, por edhe simbolin  e flamurit tonë, sepse çdo shqiptar identifikohet përmes tij. Vlera  e këtij simboli  kuq e zi, le te mbetet   synim qe  këtë flamur ta përqafojmë,  ta duan edhe fëmijët tanë, edhe brezi që po e rrisim në dhe të huaj. Të mbeteni  faktor  nxitës që përmes jush të mësohen dhe të joshen për atdhedashuri ndaj kombit të vet, edhe pasardhësit tuaj! Këto ditë kjo ditë   e  shtrenjtë festohet anembanë botës shqiptare,  por edhe në diasporën shqiptare  ku menjëherë pas shpalljes së Shqipërisë shtetërore, vite merradhë u festua, që nga mërgimtaret tanë të hershëm, që nga Fan Noli i madh i kulturës shqiptare, Faik Konica i pavdkeshëm, dhe të gjithë patriotët e më vonshëm, deri te vëllezërit Gërvalla dhe ,Kadri Zeka, që ishin  heronj nga qyteti  i Shtutgardit.

Pason vëllai i tyre dhe yni, Enver Hadri, i cili  u fut i pari në Parlamentin e Eoropës për të drejtat e shqiptareve në ish Jugosllavi etj. Me ketë flamur manifestuan protestuan dhe kryen obligimin dhe amanetin e vet deri ne vdekje për një gjuhe ,një komb dhe për një flamur, prandaj shëmbëlltyra e tyre le të na shërbej  edhe neve si frymëzim e edukim. Këtyre  amaneteve  të patriotëve tanë, mos t’u shmangemi, por të vazhdojmë  të punojmë  e të veprojmë deri në realizimin e ëndrrave të tyre por edhe tonave që i kemi në zemër  për një prosperitet  të kombit tonë, në mesin e familjeve të popujve tjerë  në Europë të lirë  e të barabartë.

Ngritja e flamurit kombëtar në Vlorën heroike (28 Nëntor 1912),  ishte një akt historik, që siç tregoj dhe dëshmoj historia do t’ua ngrehu lart krenarinë shqiptarëve, dinjitetin dhe gëzimin. Sepse ky ishte flamur i luftëtarëve heroikë, të vuajtjeve dhe gjakut të derdhur për një Shqipëri të lirë, sovrane e të pavarur. Ky 28 Nëntor i sivjetshëm,  na gjeti më të lirë, më të gëzuar e më të bashkuar se kurrë. Prandaj t’i nderojmë të gjithë ata që me përkushtim punuan për ta gëzuar neve këtë ditë kaq të shtrenjtë për shqiptarët! Gëzuar! Gëzuar për shumë mote 28 Nëntori,  Dita e  Flamurit – Shpallja e Pavarësisë së Shqipërisë!

BOX

ME FAT DITA E PAVARËSISË

Të bashkuar  të dalim për  në Vlorë

të festojmë këtë një njëqindvjetor

të mos rrimë më nën terror

të na rrojë Shqipëria

që nga Nishi deri n’Vlorë!

Me një flamur e një gjuhë

dhe një gjak e histori

mos këqyrni fe, kanun e prapështi

ju te krishterë, myslimanë,

ortodoksë e bejtexhinj!

Jeni shqiptarë e asgjë tjetër

të festojmë, vëllezër, për një Shqipëri

kur t’bashkohem të gjithë se bashku

t’ia kthejmë nëmen, mëmës Shqipëri!

Ti  rikthejmë Kosovë e Çamëri!

trojet tona n’Maqedoni e Mal të Zi

Të lidhim besa besën e shqiptarisë

ti themi  njeri tjetrit:

ME FAT  DITA  E  PAVARËSISË

Të dashur bashkatdhetarë, kudoqofshi të gëzuar! Gëzuar për shumë mote 28 Nëntorin, Dita e  Flamurit – Shpallja e Pavarësisë së Shqipërisë! Le të  mbetet  si synim yni, që pas Shpalljes së  Shqipërisë, edhe Kosovës t’i vijë rradha e ngritjes së flamurit  gjithëkombëtar  në nëntorin e tretë, për  një  pavarësi  të përbashkët, të një Shqipërie të bashkuar! Amin!