Zeqir Lushaj: Djepi n’Has, vorri n’Prishtinë (Pjetër Bogdanit)

Një jetë luftë, një shekull Pamvarësi (3)

DJEPI N’HAS,

VORRI N’PRISHTINË

Teksti: Zeqir Lushaj

Kendojnë: Dida, Çela, Kovaçi

–  Pjetër Bogdani, një vigan i kombit shqiptar  –

Një vigan t’kombit shqiptar,

Mburret Kuksi që e ka djalë,

Burrit t’madh, kurr si hup zani,

Mësuesit tonë, Pjeter Bogdani,

300 vjet ja ruejnë lavdinë,

Djepi n’Has, e vorri n’Prishtinë.

Si shkrimtar i shqipes s’vjetër,

Mendimtar, me shpatë e letër,

Filozofi e historiani,

Nder të madh kombit i bani,

Vepra e Tij me rreze drite,

Gur themeli i gjuhës shqipe.

Këtij kreshniku, t’ bjeshkëve tona,

Doktoratën, ja njofti Rroma,

Gjithçka shkriu, Ai, për gjuhë dhe tokë,

Mendimtar, me famë n’Europë,

Ja dha koha, çmimin trimit,

Skënderbe, i fushës mendimit.

Tu rritet ndera e tu rritet nami,

Paç lavdi, o Pjetër Bogdani,

Vepra jote, plot kulturë,

Nëpër shekuj vjen flamur,

Kush për kombin, jetën e shkri,

Do t’i këndojnë, brezat lavdi.

./.

(Nga libri “Fjala mbi tel…” faqe 53-54)