Vladimir Shyti: Mund të jetë gjithçka imuniteti?

Mund të jetë gjithçka imuniteti?

Nga Vladimir Shyti

Politika shqiptare po tërhiqet zvarrë, dhe s’po dihet se nga kush drejtohet aq bukur e mirë, duke i kthyer njërzit e politikës sonë në aktorë të zot, sa që populli është bërë lëmsh e li.Sikur të mos mjaftojnë problemet e shumta dhe rënia tej mase e ekonomisë, shpikin teorira për përmisimin e gjëndjes në vend. Ndër këto është dhe heqja e imunitetit të deputetëve që sërviret nga partia në pushtet, si luftë kundër korrupsionit e tjerë.

Eshtë plotësisht e vetëdijshme për këtë kufizim të vullnetshëm ata që duan të vendosin këtë ligj, se do të arrijnë atë që nuk u arrit në këto njëzet vjet.Apo ky udhëzim erdhi nga këshilli i fshehtë dhe duhet zbatuar me domosdo.Kush e ka penguar shtetin të luftojë korrupsionin e tjera e tjera?Imuniteti?Jo, unë mendoj, se vetëm mos zbatimi i ligjeve, dhe mbulimi i akteve kriminale nga njerëz të caktuar.Janë përsëritur pandërprerje në variante të ndryshme shkeljet e ligjit dhe mbulimet e fajtorëve edhe kur gjykatat u kanë hequr imunitetin personave të ngarkuar me përgjegjësi.Dhe shejtanët, domethënë të akuzuarit, janë mbrojtur pa pikë turpi me justifikime që vërtiten rreth natyrës apo rrethanave edhe pse ato janë kontradiktore.Ata e gjejnë mbrojtjen te ligësia, dhe nguten të gjykojnë të tjerët që të mos gjykohen vet.

Kjo është aq e vërtetë, saqë ata u hapen shumë rrallë edhe atyre që u japin udhëzimet derisa kalojnë në nënështrim sa mund të falin edhe diçka nga prona e madhe atëdhe.Pra këta tipa të politikës shqiptare, s’duan të ndreqen, as të përmisohen:piksëpari do të lypsej të gjykoheshin pa u paraqitur fare në gjyq.Dëshirojnë vetëm të ankohen dhe të nxiten në rrugën e tyre.Me një fjalë dalin të pa lagur, s’janë fajtorë dhe s’bëjnë aspak përpjekje për të qenë njerëz të kulluar, për t’i shërbyer popullit dhe vendit të tyre.

Pra, a mund të jetë gjithçka imuniteti?Ligjet janë, por mungojnë virtyet, ka humbur e vërteta dhe kryeson gënjeshtra, mashtrimi, mospërfillja, egoizmi, dhe kjo po vertetohet më së miri këtu në vendin tonë.

Të tjerë tipa trumbetojnë besnikërinë, sinqerisht e kanë? Vetëm ngushëllime sipërfaqsore, mundohen të nxjerrin përfundime në favor të të tjerëve, por vetëm përfundimin se  si të shkëlqejnë në përbuzje e nxjerrin shpejt në pah.

Me thënë të vërtetën kurrë s’kam besuar thellësisht në fjalët e tyre edhe në ato më seriozet.Ku ështe serioziteti, jam ende i përhumbur, asgjë s’po di, veç nuk është në të gjitha ato që unë dalloj dhe shikoj, madje më duken si lodra të këndshme ose të bezdishme.Ndoshta ka vërtetë përpjekje dhe bindje që unë ende s’i kam kuptuar kurrë.Vështroj gjithmonë i habitur dhe me dyshim ato qenie politike, këto krijesa të çuditshme që vdesin për para ose dëshpërohen për humbjen e një pozite apo flijohen për begatinë e familjes së tyre, por asnjëherë nuk hetova të hidhet një kazëm e mirëfilltë në ekonominë e përbashkët që ata vet e drejtojnë.