Gani Qarri: Adem Qarrit me shokë

Gani Qarri, Cyrih

ADEM QARRIT ME SHOKË

(Kushtuar të rinjëve hasjanë të masakruar më 1999 në Lugishtë të Hasit)

Adem ju ikët të ri të mbushur me shpresë

Ti dhe dhjetëra hasjanë që ishin me ty

Për të mbetur meteorë përjetshëm në kujtesë

Dhe përgjithmonë lot i pa terur në sy

Për ju vaji i nënave as sot nuk pushon

Për jetën tuaj të re të këputur në rini

Ndaj zemra e tyre nga shpirti i mallkon

Ata që ju dorëzuan te shkau me tradhti

Ata që juve te shkau atëbotë ju spiunuan

Tani jetojnë në shtëpi me të afërmit e vetë

Ata që serbët të ju masakrojnë i ndihmuan

Sot rrinë të pa zbuluar si "hije" në këtë jetë

Nënat, familjarët dhe fëmijët që ju prisnin

Pushtues e tradhtarë nuk lejuan t’i gëzoni

Dhe pse një kohë  kthimi juaj pëshpëritej

Familjeve iu kthyet në nga një qese najloni

Fëmijët që latë dhe të afërmit e pikëlluar

Përjetë ju kujtojnë me mall dhe krenari

Kurse gjaku i juaj që ujiti lirinë e Dardanisë

Në Has dhe Kosovë do të mbetet në histori