Hasan Qyqalla: Psalm indeksi

Hasan Qyqalla

PSALM INDEKSI

1.

Vapë fillim gushti seç fry’n lehtë një fllad

Psalm indeksi n’ark, ç’më solli në gjoks mall.

Ecjaket në hol katedre: letërsi romantike

Studjonim rilindasit dhe artbotën  mistike!

Në byfen studenteske, xhveshë shpirtin nudo-ar

Proza ngelë në letër, vargjet sekret n’sirtarë!

Bulevardit të qytetit, notes në gjethë bliri

Në faqe të indeksit, apostrofë njollë kujtimi!

U ndamë pasdite vonë, buzëtharë në muzg

Në peronin e shtatë, prefiks fjalë ngurtë...!

Ngjyroj tis portretin dhe vargjet i vardisë

Pikë zemre n’letër, mërgimi vrragë qëndisë!

2.

Vapën e dy gushtit n’tel fry’n lehtë një fllad

Psalm indeksi tretur, ç’më solli në bebzë mall.

Trotuaret dergj janë, sëmundje anakronike

Shpellë e piramidë, akoma gjurmoj o mike!

Shpalos ditarin, vapë gushtin dy, të qarë

Harroj dekadat ikur, djegjen e shallit beqarë!

Retë sjellin bafte, buzëmbrëmjet nostalgji

Etjet e pashuara, plagëzgjebur ...  kronologji!

Histeri diagnoze, daton në ngjyrë indeksi

Rifreskim etapash, ... atak nga apopleksi!

Deshifroj formulën, binomin në dashuri

Me nota n’tel kitare, lotë derdh për elegji ... !

3.

Vapën e dy gushtit seç fryn lehtë një fllad

Psalm rinor indeksi, ç’më sillet sot vërdallë.

Sa zbrite nga shkallët, si t’përmbajë lotin

thyer e mbërthyer, Besëlidhë për Zotin.

Rastisë oazë mesmoshe, në fushën erotike

Heu pika më zëntë, në katedrën romantike!

Prozë e dashurisë,skalit kam prej kohësh

E qeshur ëmbël je, vrushtkuj magnet jonesh!

Ikën gjumi larg, ëndrrat magnet për lot

për takimin e hirtë, shtjerrë stinë e mot!

Le të zëjë mortaja, botën me shtat harqe

I ngopur shpresëkot, diagnozë per ilaqe...?!

Thejmë kanun miqësie, për hirë të dashurisë

I qepur pas ëndrrës sate ,do qasem terapisë!

Të farkojmë buzët, bebëzat shkrijn sekrete

Karshi kontraverzës n’këtë botën kryeneqe ... !

Adresë pikëtakimi,velë marinari me busollë

Dallgëzimet e detit, re-dritë: yjë e meteorë!

Si të falem ty, ... kurrë falë mos të qofsha

Sa lëndova veten, mesditën që të njoha...!

Nuk dij kah tretëm, pa shenjë e pa nishan

Që ditën e njohes, ngjitur ngelëm “gjan”!

4.

Vapën e dy gushtit seç fryn lehtë një fllad

Psalm rinor indeksi, djegë përherë zjarrë!

Prishtinë, 2 gusht  ’11