E premte, 18.06.2021, 02:56 AM (GMT+1)

Kulturë

Sadie Ismaili – Ilirida: Kosova e Lagur nga Gjaku

E diele, 10.07.2011, 07:14 PM


Sadie Ismaili – Ilirida u lind më 15 .05.1955 në Tearcë të Tetovës. Rrjedh nga një familje me traditë atdhetare. Shkollën fillore e kreu në vendlindje, ndërsa shkollën mesme në Prishtinë. Studimet i ndoqi në fakultetin juridik në Prishtinë. Me shkrime ka filluar të merret prej qe ishte në shkollën e mesme, Sadie Ismaili –Ilirida është edhe anëtare e Klubit Letrar Zahiri në Podujevë , dhe po kjo poete ka botuar edhe në revistën letrare RINGJALLJA në Podujevë.

-          

Libri i parë i saj është:

Kodra e Lidhur me Pranga – poezi ,2008

 

Edhe tani kjo poete vjen më librin e dytë me Poezi të quajtur:

Kosova e Lagur nga Gjaku – Poezi, 2011

 

 

 

Sadie Ismaili – Ilirida

 

Poezi nga libri ‘’KOSOVA E LAGUR NGA GJAKU’’ ...

 

 

KUR TË THËRRET PUSHKA

 

Moj drenicë legjendë

E gjallë ilirida ka dy fjalë

ILIRIDA kërkon një trim

Kërkon një djalë

Kur të thërret pushka

Zot me i dalë

 

 

RREZJA E DIELLIT

 

Edhe rrezja e diellit

E shkruan mbi flamur

Emrin tënd ilegal

O pishtarë i lirisë

 

O Zahir Pajaziti i madh

Ty të duan edhe yjet

Ty të duan edhe lulet

Dhe çdo fushë e mal

 

Ti tash bënë dritë

Si dielli në përmendore

Për krejt tokën arbërore

 

 

EMRI ILIRIDË

 

Emri Iliridë

Është vulë e shpirtit

Është letërnjoftim i zemrës

Është certifikatë e fjalës

Është ngjyrë e flamurit

Është kala e diellit

Dhe e gurit

 

Është mal i plisit

E shkëmbit dhe e lisit

Është toka ime qe jam rritur

Dhe që shumë-shumë e dua

 

Është shqiponjë e dashurisë

Gjatë gjithë jetës për mua

 

 

TË DESHA KOSOVË DHE TË DUA

 

Të desha shumë Kosovë

Edhe atëherë

Kur mungonte liria

Edhe atëherë

Kur na ndrydhte robëria

 

Të desha edhe atëherë

Kur atdheu dha kushtrimin

Për luftë dhe liri

 

Kosovë ti gjithmonë

Ke qenë dhe je gjaku im

Dhe ngjyra e shpirtit

Plot me dashuri



(Vota: 1)

Komentoni
Komenti:


Gallery

Pëllumb Gorica: Magjia e bukurive të nëntokës sulovare
Fotaq Andrea: Një vështrim, një lot, një trishtim – o Zot sa pikëllim!
Pëllumb Gorica: Grimca kënaqësie në Liqenin e Komanit
Shkolla Shqipe “Alba Life” festoi 7 Marsin në Bronx
Kozeta Zylo: Manhattani ndizet flakë për Çamërinë Martire nga Rrënjët Shqiptare dhe Diaspora