Hazir Mehmeti: Mbrëmje kulturore në Vjenë me krijuesin Jeton Neziraj

Jeton Neziraj-(djathtas), Alida Bremer dhe Sasha Iliq

Nga Hazir Mehmeti, Vjenë

Shoqata ,,Kultur Kontak Austria” , organizoj mbrëmje prezantimi të krijuesve nga Kosova Jeton Neziraj dhe Sasha Iliq, nga Serbia. Është kjo pjesë e projektit letrar ,,Beograd-Prishtinë,Prishtinë-Beograd” me autor nga të dy vendet. Takimin e hapi Z. Jakub Forst-Battaglia, i dërguar i Seksionit për Politikë e Kulturë nga Ministria e Çështjeve Evropiane e Internacionale të Austrisë, kurse autorja e disa librave dhe përkthyesja Znj. Alida Bremer ishte udhëheqëse e rrjedhës së diskutimit . Në mbrëmja marren pjesë edhe dy ambasadorët në Austri, i Kosovës Dr. Sabri Kiqmari dhe ai i Serbisë, Milovan Bozinoviq. Nga ambasada e Shqipërisë ishte z.Egin Ceka,sekretar i parë i ambasadës; Znj. Barbara Majer, sekretare e dytë në Ambasadën e Kroacisë në Austri. Merrnin pjesë intelektual e mërgimtar nga vende të ndryshme. Është kjo hera e parë që pranë njëri tjetrit ulur të përcjellin mbrëmjen me të dy krijuesit nga vendet përkatëse;Jeton Neziraj dhe Sasha Iliq. Autorët lexuan pjesë nga krijimtaria e tyre, përshkruan aktivitetin e tyre në përpjekjet për të bërë të njohur të krijimtarisë nga të dy popujt. Kjo ishte me interes për publikun e shumtë që mbushte sallën e bukur. Historiku i shkurtër të projektit të nisur në botimet në gjuhën shqipe e serbe e gjermane nga autorë shqiptar e serb kishte filluar pas ndërprerjes qe nga vitet 70-ta

,,Projekti i dy antologjive,,Nga Prishtina,me dashuri” dhe ,,Nga Beogradi,me dashuri” paraqet tentimin e parë pas disa decenieve për njohje të ndërsjellë mes krijimeve letrare”. Një përzgjedhje nga krijimtaria bashkëkohore poetike, e prozës,dramës nga krijuesit e të dy popujve, duke i përkthyer ato në gjuhët respektive. Ky projekt ka për qëllim ofrimin e vlerave në tekstet e botuara e cila do shërbente si uverturë në vendosjen e komunikimit të rregullt kulturor të ndërsjellë.

Këto projekte shumëdimensionale nga krijimtaria e kombeve ju prezantuan publikut në kuadër të ,,traduki”-t , rrjet letrar i përkrahur financiarisht nga disa shtete evropiane në radhë të parë Austria dhe Gjermania. Në ,,tradukt” janë përfshi disa shtete evropiane mes tyre edhe Kosova e Shqipëria.

Në kuadër të këtij projekti u botuan edhe përmbledhjet ,,Nga Beogradi,me dashuri” dhe ,,Nga Prishtina,me dashuri” në gjuhën shqipe dhe gjuhë tjera. Përkthyes në gjuhën shqipe nga gjuha serbe ishin: Anton Berishaj,Fadil Bajraj dhe Shkëlzen Maliqi.

Revista ,,Beton” ishte po ashtu pjesë e programit e cila i ofron publikut krijime nga autor të kombeve të ndryshme të përkthyera në gjuhën gjermane. Kësaj radhe ,,Beton” kishte përmbledhje krijimesh nga autor shqiptar e serb në gjermanisht. Ishin të prezantuar disa poet,shkrimtar e publicist nga Kosova, kryesisht të rinj për lexuesin gjerman si: Arben Idrizi, , Balsor Hoxha, Bekim Lumi, Besa Salihu, Halil Matoshi,Trina Gojani, Jeton Neziraj, Shkëlzen Maliqi, Kujtim Rrahmani, Kujtim Paçuku, Shpetim Selmani, Xhevdet Bajraj.

Ishte kjo një mbrëmje ku dominoi logjika e arsyes, e thyerjeve të inateve të vjetra të politikës serbe, e cila deri tani nuk pranoi të uleshin në manifestime ku prezantohet Republika e Kosovës. E urojmë të vazhdoi edhe në të ardhmen me hapin e nisur të tolerancës. Aq sa ishte tërheqëse krijimtaria e ofruar, ishte edhe prezenca dhe përshëndetja mes tyre e të dy ambasadorëve, Kiqmari dhe Bozinoviq. Ata ishin së bashku në koktej rasti të ofruar nga organizatori. Si duket fuqia e fjalës artistike ishte sonte zotëruese mbi fjalimet politike refuzuese të vazhdueshme të Beogradit karshi Kosovës. Ambasadori, Bozinoviq do jetë një shembull i mirë edhe për kryetarin e shtetit të tij, se realiteti i ri nuk mund të anashkalohet për gjithmonë, këtë do duhej ta di qytetari serbi dhe politika serbe.

Jeton Neziraj, u lind me 1977 në Kaçanik. Studimet për film e teatër i mbaroi në UN-e Prishtinës.

Tani është udhëheqës i Teatrit Kombëtar në Prishtinë. Merr pjesë aktive në projektet shumë kulturore të shoqatave të njohura nga Austria e vende tjera.