Kulturë
Beqir Cikaqi: Dashuria e dhembja
E marte, 29.03.2011, 07:50 PM
Beqir Cikaqi
Poezi nga cikli: Dashuria e dhembja-I
Dallimi i dashurive
Dashuria nuk ë shtë e njejtë-
prandaj dashuritë dallohen,
sikur shijet e aromat
sikur ngjyrat e ylberit...
sikur njerzit e kësaj toke
Pavarësisht moshe a gjinie
Ajri është më i freskët
Nga aroma e këndëshme
E lules erëmirë
Që e don gjithsecili
Pavarësisht moshe a gjinie
Zemra është më e qetë
Nga fjala e ëmbël
E gjuhës së mirë
Që emiton goja e njeriut
Pavarësisht moshe a gjinie
...
Anipse rinia është më e vrullshme
E pleqëria më e mundimshme
Errësirë normale
Në errësiren e ditës së plotë
Vjen e shoqëruar nata me yje
Kur qiellit i mungojnë retë dhe hëna
Kujtimet nuk mungojn dot
Është errësirë normale
Që mbulon kodra e male
Në mungesë dashurie
Errësira vjen e pa ftuar
Në mes të ditës-bëhet natë...
Mbetesh krijesë duke hulumtuar fat
Duke pritur
Duke e pritur perëndimin e diellit
Vjen (jo)papritur muzgu
Duke e pritur fshehjen e hënës
Vjen (jo)papritur agimi
Duke e pritur borën e dimrit
Vjen (jo)papritur acari
Duke e pritur gjelbrimin e pranverës
Vjen (jo)papritur behari
Duke e pritur vapën e verës
Vjen (jo)papritur ngrohtësia
Duke e pritur "Doruntinën"
Vjen (jo)papritur dashuria
Vitet e humbura
Njeri tjetrit i besuam
Për shumë gjëra -
Deri në maksimum
Se kemi pasur vizione të njejta
Pa kalkulime dalluese
Mendova se do të kalitet
Besueshmëria e ndërsjelltë-
Më doli e kundërta
...
Gjatë nuk besoja ashtu të jet
Se infektimi me "virusin karrige"
Ti verboi sytë
...
Tani për momentin
Kemi vizione të kundërta
Me shumë dallime edhe në pasuri
- e cila vjen e shkon -
E ne do të takohemi serish në pleqëri
Për t'i analizuar vitet e humbura
Ndoshta do të kemi forcë
Njeri-tjetrit t'ia bëjmë hallall