Gazi Buxheli: Copëza jete

Gazi  Buxheli

COPEZA   JETE

( Cikël me poezi )

PIRAMIDAT E EGJIPTIT

Të madhërishme, të mistershme,

në egzotikë mahnitëse qiellit ngjitur,

me mangësinë e llahtarshme:

mbi kocka skllevërish ndërtuar, e ngritur.

KALAJA E ROZAFES

Në dy kuptimësi më fut murosja,

në murete tua, e kunatës së tretë:

besa, është dhunti njerëzore,

apo mëkat që ndëshkohet në jetë?!

ABETARJA

Armaturë gërmash,

Abetarja e Klasës së Parë:

Levë Arkimedi,

me vlerën e syve në ball…

DINAKËRIA

Dinakëria, mbase nga Krokodili

e mësoi dredhinë e lugatit,

veç lotët i ktheu në buzëqeshje,

e dhëmbët në Thikë Pilati…

GURI I SIZIFIT

I rëndë Guri i Sizifit,

në filozofinë e qënësisë:

përmbi kryet e çdo varri,

vënë si shënjë e vazhdimësisë…

SERVILI

U nis për në Olimpin e perëndive,

që perëndive t’u tregonte vlerat që kish,

por i kishin ato këmbët e lara,

e duhej  të shkonte sërish…

NENA E MERGIMTARIT

Ka trazirën e Poseidonit,

ndrydhur në gjoksin thatimë:

pa buçimë e pa një dallgë,

dal jasht me psherëtimë…

KUJDES ME LIRINË

Liria, ky zog i çliruar, që hapësirat

rrufeshëm kërkon t’i çaj,

bie shpesh në kurthe të frikshëm,

nga narcizi i vetëvetes, a tepria e saj…

NENA  SARANDJOTE

E pash të heshtur, e pash të qet,

në log burrash e menduar,

në mes zhurmës, e kotësisë

degë ulliri e rënduar…