Demir Krasniqi: Jam Drejtor

Parodi:

JAM DREJTOR

Jam Drejtor, unë , pa mahi ,

S’e kam çiftin n’ shtatë nahi ,

N’ vend të lapsit – mbajë allti ,

Ma ka dhanë Nëna Parti !

Diplomova n’ fakultet

Për intriga , servilitet ...

Kryetarit ia mbajë legenin ,

Vetëm kështu e ruaj venin !

Në divan i rri pozitës ,

I shoh yjet n’ pikë të ditës ,

Lart drejt qiellit e mbajë kokën ,

Nuk i shoh njerëzit për toke !

Kur takoj ca kolegë shkreta –

Nuk ju them as tu ngjatë jeta !

Rri n’ kolltuk para pasqyre –

Nuk la kënd me m’ hy në zyre !

Çdo kohë t’ lirë jashtë orarit –

Unë vrapoj mbas Kryetarit ,

N’ agim herët , hala pa u zdritë –

Shkoj e i qes , unë, me i la sytë !

Bëri e rroki ndo ‘i  nevojë –

Menjëherë mbrapa i shkoj ,

Edhe pantollat ia  çkamcoj ,

Prapanicën ia pastroj !...

Kryetarit i bëjë itatë ,

Pa e pyet , nuk ha as darkë !

N’ krevat s’ bie për t’u shtrirë

Për pa i thënë “Natën e mirë!”

Demir KRASNIQI

Gjilan, më 04.09.2010.