Kulturë

Lis Bukuroca: Zonjë

E premte, 06.08.2010, 09:05 PM

Lis Bukuroca

Zonjë

Gjinj të bardhë, pushtues e lart ngritur

fustani nga era, mbi gjunjë i përpëlitur

në lëndinë me vrap, flokët pas lëshuar

sa hyjnore, O Zot, e tëra, hir i praruar.

Ato mollaqe, ah, të bukura ëmbëlake

kofshë të bardha e dridhmë dredhake

ngashërim dhe dehje, me terr mbuluar

atje lart vetëm yjet, n’qiellin e harbuar.

Ato puthje plot afsh, më vonë ai shi

buzëkuqe si flaka, freskuese si puhi

ngasje e pafund dhe ajo mjegullnajë

në lëndinë hare, fshehur nën floknajë

Terr, natë e plotë dhe deri diku të tretur

dorë për dore tutje, nga hyjni të prekur

buzëqeshje, pastaj vështrimi i gjatë në sy,

grua, e ëmbël jeta, parajsë, jetuar me Ty!

Me brerore magjepsëse, me ecje krenare

shtojzovalle e bukur, me shpirt skofiare

si e velur me dashuri, e dallgëzuar si det

Ah, ky gllabërim, kjo dashuri e vërtetë!

Jacques Prévert

Për ty e dashura ime

Jacques Prévert

Pour toi mon amour

Shkova në tregun e zogjve

Dhe bleva zogj

Për ty

e dashura ime

Shkova në tregun e luleve

Dhe bleva lule

Për ty

e dashura ime

Shkova në tregun e hekurishteve

Dhe bleva zinxhirë

Zinxhirë të rëndë

Për ty

e dashura ime

Dhe pastaj shkova në tregun e skllevërve

Dhe të kërkova

Por nuk të gjeta

e dashura ime

Je suis allé au marché aux oiseaux
Et j'ai acheté des oiseaux
Pour toi
mon amour
Je suis allé au marché aux fleurs
Et j'ai acheté des fleurs
Pour toi
mon amour
Je suis allé au marché à la ferraille
Et j'ai acheté des chaînes
De lourdes chaînes
Pour toi
mon amour
Et puis je suis allé au marché aux esclaves
Et je t'ai cherchée
Mais je ne t'ai pas trouvée
mon amour