Përparim Hysi: Fshat më fshat me trastën e mallit mbi shpinë

Fshat më fshat me trastën e mallit mbi shpinë

 

"... se den baba den, unë jam fshatar..."

P.  Hysi

 

(cikël me poezi )

 

Nga   Përparim Hysi

 

 

1. Petova

 

Në Petovë unë  kam lindur,është një fshat afër Fierit

Në kam vjete që kam ikur,mallin kam si të njëherit

Se aty unë jam rritur,kam kaluar tërë fëmijërinë

"Dy gurë bashkë nuk  i kam lënë",kur kullosja bagëtinë.

 

 

Se kam qenë bari i sert dhe i shquar unë për zarare

Veç të ngopja dhëntë doja,për të tjerat,s'pyesja fare

Dhe i futja ndër të lashta(sa në grurëra,në tërshërë)

Sikur kaq ma priste"çaçka?!",as ma bënte syri tërr

 

 

Aty ktheva si mësues dhe punova tridhjetë vjet

Me ta hëngra dhe piva(i kam miq me të vërtetë)

E tani që unë kam ikur nga Petova në Mbrostar

Tek Petova më rri mëndja;për Petovën digjem mall.

 

 

2.Mu tek "Koka e Shqiptarit"   *

 

 

Mu tek "Koka e Shqiptarit",mbi një kodër dominuese

Vështroj fushën e Mbrostarit,të qendisur me dorënuse

E gjithë fusha si qilim,me motive popullore

Mall, o mall,më bën tym dhe më heq mua këmba-dore.

 

 

Gjithë kodra me ullnj:ndër  ullinj me dhjetra vila

Ky peizazh më mbush gëzim,sikur ja këndojnë bilbila

Kur shoh fshatin të ndryshuar dhe është bërë si në Europë

Ndjej gëzim në kraharuar,nga gëzimi kam dhe lot.

 

*Kodër dominuese në Mbrostar-Ura,Fier,ku dhe banoj

 

 

3.Vërzhezha     *

 

Kur shkon për Çorovodë,në krahun e majtë

Është Vrëzhezha ku ka lindur im atë!

Unë,të them të drejtën,për të mall kam

E dua Vërzhezhën,se desha baban.

 

 

Kur qe 40-vjeç,im at shtegëtoi

Po me Vërzhezhën ai vdiq në gojë.

Jetoi 40-vjet të tjera këtu,në Myzeqe

Por asnjë vit nuk la,pa shkuar atje.

 

 

Rreth të tetëdhjetave e "humbi" kujtesën

E mundi skleroza,po s'i mori Vërzhezhën

Se me Vërzhezhën im atë vdiq në gojë

Më thoni tani,a mund ta harroj?

 

 

*Fshat në Skrapar

 

 

 

 

4.Nishica

 

 

Kjo Nishica e Skraparit,është fshati i gjyshit tim

4 orë nga Çorovoda,atje shkoja për verim.

Fshat i bukur,mbushur pemë,ujë të ftohtë që punë e madhe

Lart,mbi fshat,është Tënda e Qypit ku u bë një luftë e madhe

 

 

Është e lodhshme,të bësh rrugën;ngjitesh nëpër qafa mali

Po kur mbrrin brenda në fshat,ngopet shpirti,ngopet xhani.

Të rrok fresku i shëndetshëm që të vjen nga gjethe pemësh

Dhe mushkëria si ballonë,mbushet ajër të shëndetshëm.

 

 

Pa kur ulesh nën hije,pemët mbushur plot me kokrra

Zë e ha bukën e ngrohtë që e bluajtur është në mokrrra

Mokrra guri,rrasa guri si në rrugë dhe në pullaz

I ka bërë një dorëburri,dajua im që ndjesë pastë!

 

 

Kjo Nishica e Skraparit,është fshati i gjyshit tim

Tash u plaka,më s'shkoj dot;e kujtoj me përmallim.

 

 

5.Në stan

 

 

Që nga  shpati i një mali po rrëshket pirgu i dëborës

Mu tek vatha e një stani,heshti dhe gjuhë e këmborës

Se mërzejnë dhëntë në hije,se gjinkalla po pëllcet

Se është gusht,or tunjatjeta! Vera ka kohën e vetë.

 

 

Mu aty,në rrëzë të malit, ku është shtritur një luginë

Do të shohësh tufa-tufa,bagëtia bën verim

Unë tek stani ha bukëvale që ma bëri xha Maksuti

Ndaj për stane unë kam malle;ndaj për të më ha "fuxhuti"

 

 

 

6.Ndërnënas

 

 

Është një fshat,pak afër detit,mu në zonën e Libofshës

Këtu fillova si mësues;në kujtesë e mbaj prej kohësh

Unë punova plot tri vjet,për Ndërnënasin kam nderim

Çdo shtëpi e këtij fshati,më thotë:-Mirëse erdhe,Përparim!

 

 

Janë njerëz zemërllagarë,siç janë në Myzeqe

40-vjet që jam larguar,pse më duket jam atje?

Atje shkoj i përmalluar se kam shokë dhe ish-nxënës

Tani janë flokëzbardhuar(10 mësues,të mitë nxënës)

 

 

Kur e shoh shkollën të re;është moderne dhe kohës

Tash Ndërnënasi ka shkollën më të mirën e Libofshës

Mua më bëhet zemra mal,edhe mbushem ngashërim

Se aty kam miq e shokë që më presin me nderim.

 

 

7.Një zgjim i përmallshëm

 

 

Kam ardhur në fshat,tani për verim

Dhe gjumë po fle për shtatë qejfe

Më zgjoi muja e një viçi(duket ka urinë?!)

A blegërime e një deleje.

 

 

U zgjova dhe para sysh më erdhën kujtimet

M'u shfaqe ti,kur të pashë tek kroi

Më tej bisedat;pastaj përqafimet

Dhe them me vete:-Ku do jesh,moj?!

 

 

Ndërkaq,lopa Larë mënd viçin

Mu-ja pushoi  tek lopën po pinte

Unë humbur kujtimesh(flisja me "hiçin")

Ky zgjim i përmallshëm në kohë tjetër më shpinte.

 

 

8.  Kam mall për fshatin

 

Aq mall kam,o miq,për fshatin

Sa duket  se për të jam i droguar

Nga malli kam shaluar Pegasin

Dhe hiç nuk i zbres,po rri shaluar.

 

 

Purtekën Pegasit nuk i ndaj

Bamp me fshikull mbi kurriz

Atje,në fshat,frymën do ta mbaj

Se pa fshatin jam si në krizë

 

 

Arrij në fshat dhe veç atëherë zbres

Pa toka bëj me të mitë,bashkëfshatarë,

Aty,or miq,unë dua të vdes

Se,den baba den,unë jam fshatar.

 

 

9.Nostalgji

 

 

Siç e shihni,ju tregova për gjithë vëndet që unë dua

Se këto vende i kam shkelur dhe të vete atje dua

Ruaj kujtime të përmallshme,ku ka vuajtje dhe gëzime

Nëpër vënde ku kam shkelur,është e gjithë jeta ime.

 

 

Mall kam që prapë të vete,por ja s'shkoj dot më

Se tani edhe jam plakur dhe "motorin" benzina e lë

S'kam fuqi që prapë t'u ngjitem atyre qafave për Nishicë

O Vërzhezhë të shoh me sy,por aty nuk vij dot hiç.

 

 

Gjeografia e bredhjes sime sa po vjen edhe po mblidhet

Se fuqia po më lë dhe litari sa vjen mblidhet

Gjunjët dhëmbin,këmbët dhëmbin,pa dhe azma gërr-fërr

Zëmra do,po nuk kam forcë(dhe nga shpirti bëhem dërr.)

 

 

 

Gusht 2000 -  2010