Nehat Jahiu: E dashur nënë dhe ti i dashur baba

NEHAT JAHIU

E DASHUR NËNË DHE TI I  DASHUR BABA

E dashur nënë dhe ti baba

jam mërzitur për ju nuk kam para,

nëpër kafeane më nuk po mundem të dal

xhepat të zbrazët tani i kam.

I dashur baba dhe ti e dashur nënë

tërë natën për ju nuk kam fjetur mbrëmë,

besoj se porosinë time e keni marrë

por paratë që i pres ende s, më kanë ardhë.

E dashur nënë dhe ti baba

ëndërr të dyve mbrëmë u kam pa,

nëse u bie në mend e nuk harroni

prej bakllavës diçka çomni.

I dashur baba dhe ti e dashur nënë

nëse pyetni për mua- unë mirë jam,

në shkollë po shkoj-kurrë s, mungoj

për nota, mos pyetni, nuk di nga ti ia filloj...

E dashur nënë dhe ti baba

kështu jeta e studentit na e ka,

shkolla fillon, por nuk dihet mbarimi

prandaj, nisni para, mos të ju kap hutimi.