Poezi nga Engjëll Koliqi

Engjëll Koliqi

 

 

KËNDONIM NGADALË

 

Që në pikën e parë

Të dashurisë

Me të lumen mbretëreshë

Tregonim aftësitë tona

Dhe këndonim ngadalë

Duke kremtuar

Amshimin e njerëzisë

!!!

                        Garlate (Lecco), 13 maj 2010

 

EPIZODE AKUTE

 

Në këtë stinë të rrezkishme

Të intereseve

Shumë epizode akute shihen

Të këndjeve

Të veseve

...

Për hiç të hiçit

Shtrembërohet e vërteta

Sulmohet dashuria

Rrezikohet jeta

...

Dikush luan me zjarr

Dikush me thika e me shpata

Të tjerët andej

Mes plumbave e predhave

Në flurudhë

I nisin e s’i mbarojnë

Vallet e gjata

...

                        Garlate (Lecco), 13 maj 2010

 

NË ZEMRËN TËNDE TË BUTË

 

E kam gjetur vendin tim

Dhe ndjehem i sigurtë

E i qetë

Duke pritur mrekullitë e dashurisë

-

Mu aty

Dua të nisi bujshëm

Historinë e bekuar

Të amshimit

                        Garlate (Lecco), 13 maj 2010

 

ME GABIME

 

Ashtu siç e kanë nisur stinën

Me gabime

Ashtu duan edhe ta mbarojnë

Duke shkatërruar çdo gjë

Për të çuditshme qëllime

...

                        Garlate (Lecco), 13 maj 2010

 

RRETH NESH

 

Shumë teke

Dhe budallallëqe

Sillen

E vallëzojnë

Me ritmin e qëllimeve

Të marra

E të çuditshme

...

Edhe dashuria kërkon udhë

-

T’ia hapim

Një labirinth të sigurtë!

                        Garlate (Lecco), 13 maj 2010

 

ATO LULEBARDHA

 

Bukur

Dhe me përkushtim

Kësaj stine të pestë

Të dashurisë

I japin kuptim

Historinë zbukurojnë

Dashurinë lulëzojnë

Në zemrën e realitetit

                        Garlate (Lecco), 13 maj 2010

 

FSHEHUR NË HIÇ

 

Mbas të gjitha kërdive

Të bijt e mëkatit

Mundohen të tërhiqen

...

Struken

Të pazëshëm

Në hiç të hiçit

Dhe detyrohen të kënaqen

Me hiç të hiçit

                        Garlate (Lecco), 13 maj 2010

 

KUR VJEN BABA GJYSH

 

Fëmijët gëzohen

Dhe vrapojnë

Duan dhurata

...

Qeshë stina

Shekulli krenohet

Jeta zgjatet

Gjithnjë e më shumë

...

                        Garlate (Lecco), 13 maj 2010

 

NUK RRI I HESHTUR

 

Në këtë flakë të historisë

Nuk mund të hesht

Ndërmjet proceseve të mëdha

-

Në njërën anë dashuria

Shumë interese këndej

Por edhe vuajtjet

Vështirësitë

Edhe sukseset

Më bëjnë të flas

-

Nuk ka më heshtje

E vërteta duhet thënë

Duhet të merret vendimi

Dhe të fillojë veprimi

                        Garlate (Lecco), 13 maj 2010

 

TRAJTIM DASHURIE

 

O njerëz vullnetmirë

Eni

E të jeni aktivë

Në regjimin tonë

Të gjithë

Do të jeni të kënaqur

E të lumtur

Nën përqafimin tonë

Me trajtim dashurie

-

Gëzuar

Eni e fillojmë!

                        Garlate (Lecco), 13 maj 2010

 

ËNDËRR E FJETUR

 

Në shekullin e kaluar

Ëndërra e lirisë

Më vinte çdo ditë

Me çmime gjaku

...

Tash kur e kam lirinë

Them të drejtën

Qetësinë shpirtërore kërkoj

Dhe dashurinë

...

Ëndërra të tjera

Tash janë në valle

Ajo e lirisë është realizuar

Dhe tani në historinë time

Është konzervuar e fjetur

                        Garlate (Lecco), 14 maj 2010

 

KONFORM REALITETIT

 

Në çdo veprimtari

Edhe në dashuri

Bëjmë hapa të matur

Duke përcjellur

Kujdesshëm

Të gjitha rrethanat

Mbajmë origjinalitetin

Dhe ruajmë dëshirat

Të tilla

Çfarë na i kërkon zemra

Çfarë i do shpirti

...

Ecim ngadalë e sigurtë

                        Garlate (Lecco), 14 maj 2010

 

DASHURI VERORE

 

Kur shpirti

Ka peshë të rënda

Dhe shumë vapë

Vera e kënaqësisë më thërret

Në kroin e besës të pi ujë

Dhe të shtrihem

E të pushoj

Në hijen freskuese

Të dashurisë

-

I përgjigjem ftesës

Sipas udhëzimeve

T’ëndërrave të stinëve të kaluara

Dhe filloj me aktet

E dashurisë verore

Shekullin dhe historinë

I bëj të pasur

Dhe të lumtur

                        Garlate (Lecco), 14 maj 2010

 

DUKE PRITUR SHPËTIMIN

 

Me shpresa të mëdha

I lutem Zotit

Dhe shekullit

Që të sjellin

Liri

Paqe

Lumturi

Besim

Dashuri

Bukur i shërbejnë

Optimizmit

                        Garlate (Lecco), 14 maj 2010

 

DASHURI E ARSYETUAR

 

Duke hyrë

Në derë të Parajsës

Mendova

Dhe vetvetin urova

Për fronin e bekuar

Të dashurisë

Thashë

Dhe them edhe tash

E do të them gjithmonë

Zoti i ka plot duart

Dhe na dhuron

Shumë mrekulli

-

Kështu arsyetohet

Dhe vuloset

Dashuria

                        Garlate (Lecco), 14 maj 2010

 

ZEMËR E ZBRAZUR

 

Me ligj të natyrës

Mbasi e zbraza zemrën

Në shpirtin e mbretëreshës

Mora rrugën e dëshirës

Dhe erdha këtu

Ndërmjet jush

Të shpallem mbret

Dhe protagonist

I dashurisë

                        Garlate (Lecco), 14 maj 2010

 

USHQIM ZEMRE

 

Pak fjalë të mira

Më shumë besë

Dhe shpresë

Premtime

Betime

Vendime

E zbatime

Në shekullin e mbretërisë së dashurisë

Për mua

Për mbretëreshën

Dhe për të gjithë njerëzit vullnetmirë

Janë

Dhe mbesin

Ushqim zemre

                        Garlate (Lecco), 14 maj 2010

 

NGA DERA E MADHE

 

Në ballë të valles së dashurisë

Plot ëndërra

Dhe aspirata

Dalin plane dhe projekte

Traditat qeshin

Dhe na e garantojnë amshimin

                        Garlate (Lecco), 14 maj 2010

 

RRETHUAR NGA RREZIQET

 

Jemi shumë të kujdesshëm

Dhe të matur

Në çdo hap

Në çdo pikë

Në çdo akt

Dashuria fiton

Jeta vazhdon

...

                        Garlate (Lecco), 14 maj 2010