Poezi nga Engjëll Koliqi

Engjëll Koliqi

 

 

ËNDËRRA TË VARROSUR NË GURË

 

Kur isha fëmijë

Ëndërroja

Fronin e përrallave

Me shpatë të mprehur

Në zjarrin e fjalës

...

Tash

Ato ëndërra

Ia kam lënë historisë

Të varrosura në gurë

...

                        Garlate (Lecco), 11 prill 2010

 

NË DITËN E MADHE

 

Të gjithë

Kanë zënë vendet

Ne protagonistët

Kemi vënë kurorat

Dhe kemi filluar

Me të shenjtat akte

Të dashurisë

                        Garlate (Lecco), 11 prill 2010

 

TEJ SHPRESAVE

 

Një fije drite e shohim

Natyrisht

Vjen një rreze dashurie

-

Bota ka filluar

Vallen festive

                        Garlate (Lecco), 11 prill 2010

 

TË FRYMOJMË SHQIP

 

Eni

O njerëz vullnetmirë

Ta lëvizim rrotën e epokës

Për një realitet të ri

Eni

Të thirremi shqip

Mes veti

Të flasim shqip

Të këndojmë shqip

Eni o njerëz

Stina e re na fton

Të frymojmë shqip

...

                        Garlate (Lecco), 11 prill 2010

 

ME DËSHIRË TË SHPIRTI

 

Jemi marrë vesh

Me mbretëreshën

Dhe kemi filluar

Me aktin e parë

Për të ju dhënë shembull

Njerëzve vullnetmirë

Në procesin e bekuar

Të dashurisë

                        Garlate (Lecco), 11 prill 2010

 

KANË SHKUAR

 

Synimet e veta

I kanë bërë

Në interese

Dhe në dashuri

Tash kanë shkuar

Në jetën e pasosur

...

                        Garlate (Lecco), 11 prill 2010

 

IKËN BASHKË ME VESET

 

Plot vese

Me ngjyra interesesh

Dhe njëmijenjë të zeza

I muarën me veti

Dhe ikën

Atje ku e bënë vendin

Në udhën e pakthim

Duke humbur

Jetë e amshim

                        Garlate (Lecco), 11 prill 2010

 

PO NDIZET DITA

 

Konform dëshirës sonë

Të zjarrtë

Kjo ditë e madhe

Po ndizet

Dhe me bujë

E me nam

Po vlon

E po vallëzon

E lumja dashuri

                        Garlate (Lecco), 11 prill 2010

 

NË FRYMËN E LIRISË

 

Kemi filluar

Një valle

Të dytën

Të tretën

...

Vazhdon festa

Kush nuk lodhet

As nuk punon

...

                        Garlate (Lecco), 11 prill 2010

 

DUKE PËRKËDHELUR PLAGËN E KOHËS

 

Vajtojnë pandalur

Të gjitha gabimet

Dhe krimet

I numërojnë

Pa treguar të kujt janë

As kah kanë ardhur

-

Me bindjen e tyre

Thonë

Se fajet i kanë

Shekujt e zi

Duke harruar

Veprimet e tyre

                        Garlate (Lecco), 11 prill 2010

 

NË TË GJITHA KUJTIMET

 

Me ëmbëlsi të madhe

E me krenari

Në radhë të parë

E kam gjysmën time

Të dashurisë

Mbretëreshën e zgjedhur

Të shekullit të amshuar

                        Garlate (Lecco), 11 prill 2010

 

PËR DËSHIRËN TONË

 

Ia marrim këngës

Dhe vazhdojmë

Me akte dashurie

Kurrë pa u lodhur

Stinën lulëzojmë

Shekullin dekorojmë

...

                        Garlate (Lecco), 11 prill 2010

 

AJO FJALA HIJERËNDË

 

Sikur ua zen frymën

Me tone komanduese

Edhe në  këtë epokë

Që thonë se ka ngjyra barabarësie

-

Gatitu

Urdhërojnë t’u binden të gjithë

T’i dëgjojnë

E t’i respektojnë

...

                        Garlate (Lecco), 11 prill 2010

 

SI U BË QË?!

 

Ata

Të vetëshpallurit mbretër

Lirinë

Gjithnjë na e mohuan

Lëvizjet e ecjet

Na i shkelën

Shumë dashuri na plagosën

E na thuani t’i duam

?!...

                        Garlate (Lecco), 11 prill 2010

 

TA DËGJOJMË ZËRIN E ZOTIT

 

O njerëz të mirë

Të mos e dëgjojmë vetëm trurin e intereseve

-

Ta vëjmë dorën në zemër

Ta dëgjojmë ç’na thotë arsyeja

Dhe dashuria

Mrekullueshëm

Me vetë zërin e Zotit

                        Garlate (Lecco), 11 prill 2010

 

NA DO HISTORIA

 

Në këtë ditë të madhe

Bukur qeshë fati

Vallja festive zgjërohet

Me ndërmjetësim të dashurisë

Si protagonistë të froni

Na do historia

Na kërkon jeta

Këndon e vërteta

...

                        Garlate (Lecco), 11 prill 2010

 

NË KËNDET E SË VËRTETËS

 

Shumë njerëz vullnetmirë

Vuajnë

Por janë krenarë

Dhe shumë të nderuar

Të sigurtë

E të bindur

Në fitoren e merituat

!!!

                        Garlate (Lecco), 11 prill 2010

 

LËKURË JETE

 

Në mëngjes kruhet

Edhe në drekë e në darkë

Puçrra hallesh mbushur

Edhe me thashethëna

...

Dikuj më shumë i dhembin

Gajlet e të tjerëve

                        Garlate (Lecco), 12 prill 2010

 

MBRETËROJ ME LIGJE DASHURIE

 

N’atë shekull

Mora pak djersë

Të gjyshit

E shtrydha

Pika gjaku ranë

Anekënd truallit

Pastaj

Ndodhi mrekullia

Erdhi liria

Në përqafim të fatit

Dhe që atëherë

Si padron i vërtetë

I bëj ligjete e dashurisë

Në tokën e Dardanisë

Dhe t’Ilirisë

                        Garlate (Lecco), 12 prill 2010

 

PUNË-PUNË NATEDITË

 

Herë-herë

Jam ndalur në pritje të fatit

Por sukseset i kam pasur

Vetëm atëherë kur kam lëvizur

Vetëm atëherë kur jam angazhuar

Vetëm atëherë kur kam punuar

                        Garlate (Lecco), 12 prill 2010

 

DUKE PRITUR NDRYSHIMET

 

Nëpër valë të tërbuara

Sillemi e pështillemi

Me shumë arsye

Nuk dijmë çka kërkojmë

As ku të shkojmë

...

Mbase diçka do të ndryshojë?!

                        Garlate (Lecco), 12 prill 2010

 

ËSHTË DEMOKRACI?!

 

Pak më andej

Shumë diskutime

Për çështjet tona

Pa ne

Në emër të njëfarë diplomacie

Që me plot gojën

E shqiptojnë

Duke u thirrur në demokraci

-

Absurd!

                        Garlate (Lecco), 12 prill 2010

 

NA PRET AMSHIMI

 

Tashmë

Jemi rehat

Në kthinat e fatit

Me pjesën civilizuese

Të kombeve

Në kërkim të rrugëve të reja

Të dashurisë

-

Amshimi po na pret

Me Dardaninë tonë krenare

                        Garlate (Lecco), 12 prill 2010

 

SI NË ËNDËRR

 

Mbi sajin e dashurisë

Me mbretëreshën e lume

Rrëshqasim këndshëm

Qiejve të mrekullisë

Shekull pas shekulli

Edhe tej amshimit

...

                        Garlate (Lecco), 12 prill 2010

 

NGJYRAT E FLAMURIT

 

Ato tradicionale

Që na identifikojnë në botë

Janë hequr

Me ngjyra absurdi janë zëvendësuar

Për interese

Pa kurrëfarë interesi

...

                        Garlate (Lecco), 12 prill 2010

 

KUR DO MREKULLIA

 

Po mendoj

Këto ditë

Ta kap pleqërinë

Ta shkund mirë

Nga hiçi ta liroj

T’ia fal disa shekuj

Edhe amshimin

Sikurse Dardanisë sime

Të lashtë dhe të re

-

Me fuqi mrekullie

Arrihet gjithçka

Rrugëve e shesheve

Të dashurisë

-

Gëzuar!

                        Garlate (Lecco), 12 prill 2010

 

PJESË REALITETI

 

Unë i denoncoj haptas

Ata më mveshin epitete

Ndër më absurdet

Dhe më akuzojnë

E më kërcënojnë

Për një arsye të vetme

Se duan të jenë vetëm ata

Natën të vrasin

Ditën të qajnë

Ta hedhin gurin duan

E ta fshehin dorën

...

Do të vijë dita ime

Pa të tyre interese

Pa krime e pa vese

Që ua trazon ëndërrat e tyre

E n’udhën e krimeve

I pengon

...

                        Garlate (Lecco), 12 prill 2010

 

S’KA JETË ANDEJ

 

Atje ku nuk ka mot

N’atë stinë të mallkuar

E ngrehin zvarrë

Për turinjsh

Drejt greminës së krimeve

Sepse

Atje mungon historia

Nuk ka as gjeografi

Për biologji e për jetë

As që kanë menduar

-

Të gjitha formulat

Rrënjët i kanë në hiç

                        Garlate (Lecco), 12 prill 2010

 

JANË ZGJUAR DHE...

 

Me shpejtësi

Kanë shkuar

Që të merren vesh

Me stinën

Që të mos mbesin

Pa kohë

                        Garlate (Lecco), 12 prill 2010

 

EPOKA E RE

 

Mbështjellë në ëndërrbardhat

Më erdhi dashuria

Me ledhatime

E me besatime të njerëzisë

Amaneti i gjyshërve

Vulosi aktet

Me radhë

Dhe e shpallëm

Epokën e paqes

Dhe të ëmbëlsisë

                        Garlate (Lecco), 12 prill 2010

 

ME ZËRIN E PARË

 

Bashkë me mbretëreshën

Mbajmë mirë ritmin

Dhe nivelin

E këngëve të gëzuara

Të dashurisë

Duam t’i vëmë në veprim

Të gjitha mrekullitë

                        Garlate (Lecco), 12 prill 2010

 

MUNDOHEM TË ECI PËRPARA

 

Megjithë pengesat e shumta

Dhe paqartësitë

Në rrugën e shpresave

Unë s’ndalem kurrë

Gjithnjë mundohem të eci përpara

Dhe tëfluturoj

Mbi krahët e mrekullive të dashurisë

Me Nënëloken e lashtë

Që me krenari mba emrin e Dardanisë

                        Garlate (Lecco), 12 prill 2010

 

NË KORNIZËN E POROSISË

 

Shumë betime kanë hyrë

Të lëvizjeve

Dhe të betejave çlirimtare

Historinë kemi zgjuar

Anekënd botës

Tashmë paraqitemi

Me vulën tonë

Krejt origjinale

Të traditave të shenjta

Të dashurisë

                        Garlate (Lecco), 12 prill 2010

 

MENDJA KTHEHET LARG

 

Në këto çaste të vështira

Mall i madh më ka kapluar

Për tokën time

Për bukuritë e stinës së gjallërisë

Plot dashuri

Atje në Dardani

Seç më kthehet nendja

Larg

Në lojërat e fëmijërisë

Në qeshjet e pafajësisë

Në ëndërrat e para të dashurisë

Së paku

Dua t’ia zbuloj të gjitha rrënjët historisë

                        Garlate (Lecco), 12 prill 2010

 

NË PIKAT E PARA

 

Vendimet historike

I kemi shoshitur

Dhe i kemi vulosur

Me vulë bese

E dashurie

Mrekullitë na janë paralajmëruar

                        Garlate (Lecco), 12 prill 2010

 

GJURMËVE TË DHEMBJES

 

Bijtë e shekullit pyesin

Për historinë

Dhe krenarë

Nisen drejt amshimit

Me kurorën e merituar

Të fronit të dashurisë

                        Garlate (Lecco), 12 prill 2010

 

NË TREGIMIN E PARË

 

Fitorja ishte paralajmëruar

Me fuqi mrekullie

Bindshëm thuhej

Dashuria

Tërë botën

Duhet pushtuar

Në këtë ditëbardhë

E kemi ditur

Dhe e kemi pritur

                        Garlate (Lecco), 12 prill 2010

 

NË TË GJITHA RELIEVET

 

Dashuria jonë

Ka lëshuar rrënjë

Dhe në degët e saj

T’arta

Lulëzon lule bese

Jep

Fryte shprese

                        Garlate (Lecco), 12 prill 2010

 

NË HISTORINË TIME

 

Kanë ndodhur

E janë ndeshur

Shumë ngjarje

Ndër më të ndryshmet

...

Shumë luftëra

Plot vendime

Vendime të drejtësisë

Dhe të dashurisë

...

Froni i mbretërisë

Është shpallur

Kthinë parajse

                        Garlate (Lecco), 12 prill 2010

 

PAK MË NDRYSHE

 

Jemi mësuar

Në trojet dardane

Të shohim

Vetëm besë e krenari

Sot

Mes rrymave të ndryshme

Është pak më ndryshe

Duken edhe tehe interesesh

E shijesh të ndryshme

                        Garlate (Lecco), 12 prill 2010

 

BARTËS TË FLAMURIT TË DASHURISË

 

Me gëzim

Dhe të madhe krenari

U prijmë

Të gjithë atyre

Që me përkushtim

Punojmë në procesin e dashurisë

Duke qenë gjithnjë të parët

Në dashuri

Na takon flamuri

                        Garlate (Lecco), 12 prill 2010