Kastriot Shkreli: Fushatë antikombëtare kundër prifit katolik dom Anton Kçirës

Kohëve të fundit jemi deshmitar të një fushate të egër kundër priftit katolik të kishës së Shën Palit në Detroid të SHBA-ve Dom Anton  Kçirës, atdhetarit të devotshëm për çështjen kombëtare Shqiptare.Shkas është bër një takim i  intelektualve shqiptarë i para  tri viteve ku ishin takuar vëllezërit  për të biseduar për situatën në Kosovë rreth ndihmës për  shpalljen e pavarësisë në qarqet  e shtetit më të fuqishëm në botë ,mikut të madh të shqiptarëve SHBA-ve. Me këtë rast u diskutua edhe për ngjarjen e atyre ditëve ku nga FBI u zbulua një grup njerëzish që ishin të përgatitur nga Al-kaida për të kryer një akt terrorist në një kazermë ushtarake të ushtrisë amerikane në Nju Xhersi. Mjerisht,  në mesin e tyre ishin edhe  tre shqiptarë që shkaktojë  indinjatë te mbare kombi ynë. Aresyja ishte e qartë, të sulmosh ushtrinë amerikane që ndihmoi popullin e Kosovës nga shfarosja prej ushtrisë e policisë serbe. Shpërnguljes së mbi një milion kosovarëve, vrasjeve, djegieve të shtëpive,plaqkitjeve dhe dhunimeve të femrave shqiptare, është turp, pabesi, tradhëti e bukëpërmbysje. Çka është edhe më e turpshme refugjatët tanë që i kishin marrë amerikanët t’i strehojnë ishin pritë përzemërsisht  dhe strehuar në atë kazermë ushtarake, të cilën pastaj këta tre shqiptarë  donin ta hidhnin në erë për  të ndihmuar  Al-kaiden e Bin Ladenit. Kjo ngriti reagimin e të gjithë shqiptarëve në Kosovë, Shqipëri dhe diasporë. Të sulmohet miku më i mirë i shqiptarëve,t’i kthehet e mira me të keq, të tregohemi bukëpërmbysës,të pabesë me mikun që na ndihmoi e shpëtoi. Kjo është e paparë ,e turpshme, jonjerëzore dhe zhvlerësuese për shqiptarët. Të gjithë u ndiiem vetën keq.  Duhet pranuar: u turpëruam para mikut. Ndodhin edhe këto gjëra .Nuk i kemi ne në dorë. Ka edhe të tillë që mendojnë ndryshe.

Në këte takim përveq të tjerëve e merr fjalën edhe Dom Anton Kçira. Sipas informatave që kam unë, nga njerëzit që ishin në atë takim,  Dom Antoni ishte shumë i mërzitur pse ndodhi ky rast, pse bashëkombasit e ti ishin rreshtua në anën e armikut të Amerikës,  Bin Ladenit dhe Al Kaides. Ai me atë rast foli shumë rëndë për ta dhe për ata që janë bashkëmendimtarë të tyre nga pjesëtarët e kombit tonë .Kjo kishte  irituar  disa  nga të pranishmit, të cilët e kishin  lëshuar takimin. Mendoj se Dom Antoni ka qenë shumë i shqetësuar me këtë veprim të këtyre tre shqiptarëve dhe ka përdor një gjuhë të ashpër,  por kurrë nuk mund të besoj, gjë që  edhe pjesëmarrësit që ishin prezent e mohuan këte, se  ai i ka ndarë shqiptarët ,se kinse  ka thënë që është dashur t’i vras Millosheviqi si boshnjakët e Srebrenicës  si qent edhe një milion e nëntëqind mijë kosovarë .Kjo është e pa logjikshme ta thotë një njeri i zotit pavarësisht se cilës fe i takon. Sa e njoh unë don Antonin, ai kurrë nuk është shprehur në këtë mënyrë, sado që ai është i rreptë kur  e prekin në çështjen kombëtare e fetare. Ai është njeri i drejtë, i sinqertë dhe besnik. Këtë  e dëshmon edhe fakti se në atë takim ka qenë me vëllezërit e vet shqiptar të të tri  konfesioneve fetare. Me ta ka qenë shumë herë  në takime dhe angazhime për të ndihmuar çështjen kombëtare, si në organizimin e demostratave në kërkim  të të drejtave të shqiptarëve për liri, në Kosovë,   Maqedoni , Mal të Zi dhe në Luginën e Preshevës. Kërkesat për organizimin e takimeve me udhëheqësit e qeverisë së SHBA-ve për delegacionet e shqiptarëve nga trevat shqiptare, pritja e përcjellja e tyre, ndihma  për luftën e UÇK-së për çlirimin  e Kosovës dhe pjesëve të tjera të tokave shqiptare me financa dhe ndihmat tjera si organizimi i vullnetarëve për të ardhur në luftë. Këto dhe shumë veprimtari të tjera në favor të kauzës sonë, Dom Antoni i ka organizuar me vëllezërit  që ishin prezent në atë takim. Prandaj edhe diskutimi i tij  ka qenë i tillë: konfidencial,  i hapur,  pa rezerva dhe i sinqertë si gjithmonë me vëllezërit e tij,  siç i ka quajtur ata gjithënjë.

Konsideroj se e gjithë kjo që po flitet e përflitet gjithandej, nuk është asgjë tjetër veçëse një propagandë e orkestruar mirë nga një qendër e caktuar kundër atdhetarit dhe humanistit don Anton Kçirajt, ashtu siç janë përpjekur dhe përpiqen t’i devalvojnë figurat e  ndritura kombëtare siç janë Gjergj Kastrioti, Nëna Tereze e deri te  komandanti legjendar i UÇK-së Adem Jashari .Terreni i volitshëm për sajimin e intrigave, shpifjeve dhe montimeve të ndryshme na bën që gjithmonë të jemi vigjilent dhe t’i kundërvihemi përpjekieve të tilla që fusin përçarje në mesin e popullit tonë, i cili ishte dhe mbetet shembull i koekzistencës së tri besimeve.

Konstatoj me përgjegjësi të plotë , politike, morale, njerëzore dhe kombëtare se videoja e plasuar në internet dhe materiali i montuar është bërë me qëllim të njollosjes së figurës së ndritur të don Anton Kçirajt si dhe tentimit të fillimit të shkatërrimit të marrëdhënieve të shkëlqyera ndërkonfesionale dhe brenda shqiptare.Këtë nuk duhet toleruar me asnjë çmim. Populli ynë ka sakrifikuar shumë ndër shekuj dhe në të gjitha periudhat e historisë sonë të lashtë ka dhënë prova të dëshmuara për vyrtytet më të larta njerëzore e humane.Dhashtë zoti që kjo ngjarje e hidhur të harrohet sa më parë, kurse populli ynë, i bashkuar si kurrë më parë të ecën drejt rrugës së bashkimit kombëtar, rrugë të cilën na e kanë trasuar me gjakun e tyre heronjtë e të gjitha luftërave për liri dhe dinjitet kombëtar!