Kulturë

Demir Krasniqi: Kur shqiptarët vriteshin si lepuj - Vrasja e Xhemajl Tahirit

E enjte, 14.01.2010, 10:48 PM

Kur shqiptarët vriteshin si lepuj :

VRASJA E XHEMAJL TAHIRIT

(Rapsodi)

Me atë ditë që erdh Serbia –

Kurrë ditë t’ bardhë s’ pa shqiptaria !

Rob i robit n’ tokë të vet –

Ndër kambë t’ shkaut qe nand’dhetë vjet !

Nand’dhetë vjet kështu kanë kalue –

Nanat tona tue vajtue !

Vajtojnë nana , vajtojnë bija –

Për djem t’ ri që i vret Serbia !

Djem’t shqiptarë vriten gjithëfare –

Mendon shkau me na qitë fare !

Kështu punon ai shkau i shkinës –

Vret shqiptarë përmbrapa shpinës !

Vriten djem’t n’ burgje e n’ llogore –

Janë mbushë malet plot me vorre !

Vorre t’ reja krejt shqiptarë –

Shumë e djem’t janë vra ushtarë!...

K’shtu punoi, vëllazën, kjo Serbi –

Me gjak tonë kurrë nuk u ngi !

Zi e terr çka ka punue –

Me nji kangë s’ muj me i numrue !...

Çka ka ba krime Serbia –

S’ mund t’ i kapë as historia !...

S’ kanë lanë vend kund hunët pa i shti –

Tue na pre e tue na gri !

S’ kanë lanë shpi , s’ kanë lanë katunde –

Mbi shqiptarë pa ba zullume !

Nuk lanë vend , nuk lanë konak –

Me djem t’ ri pa e la me gjak !

Si shumë fshatra n’ mbarë Gollakun –

Hajkobilla e lau hakun !...

Aty ken dy djem shqiptarë ,

Djem punëtorë – vëllazën bujarë .

Ditë e natë punuen pa hile ,

Punëtorë krahu për familje .

Tue u mundue si asht ma s’ miri ,

Ai Xhemajl Ramiz Tahiri ,

Krah me te , i vëllai Jahiri .

Nji ditë herët vllaznit janë çue –

Për Gjilan janë nisë me shkue .

Trup e shkurt kodrave, malit –

Shkojnë n’ Gjilan për ditë t’ pazarit .

Skamje e madhe ishte atëherë ,

Kanë ble gaz, kripë e sheqer .

-O, Jahir , - Xhemajli i ka thanë ,

Do ta blejmë nga nji killë duhan !

-Po, pse jo, o vëlla Xhemajl ,

S’ mujmë përditë n’ pazar me dalë !

Shpejt pazaret i kanë krye –

Kanë marrë udhën n’ shpi me u kthye .

Male e kodra i kanë trupue ,

Në Strezoc , kur paskan shkue ,

N’ skaj t’ katundit kokan ndalë ,

Ky Jahiri, po e flet nji fjalë:

“O, Xhemajl, vëlla , i ka thanë ,

“Kah Stanica, me i ra nuk banë,

Se e kem’ nga ‘i killë duhan ,

Milicia, droj po na nxanë!”

Udhën djemtë e kanë lakue ,

Rreth nji teli kokan shkue .

Rreth minierës së Strezocit ,

Aleksandri prej Hajnocit –

Po i sheh mirë se janë shqiptarë ,

U dallojshin n’ kapuça t’ bardhë !

Aleksandar Stojanoviqi –

Kish marrë krah prej Rankoviqi,

Ky çetnik i dorës s’ parë ,

Bante gjah përmbi shqiptarë !

Shpejt e shpejt nget si zagar ,

Rojës , pushkën ia ka marrë !

Shokët e vet e kanë qortue –

Ku po don me pushkë me shkue?

Aleksandri , iu ka kallxue :

“Leprin n’ çuk e kam diktue ,

Me m’ dhanë pushkën me fishekë ,

Ta vras leprin n’ gjumë tue fjetë ,

Do t’ ju bajë , juve, mish për drekë !”

E ka marrë vrapin përpjetë ,

Përjasht telave , djemtë tu i ndjekë !

Përmbas shpinës , ai çyfarë –

Po e shtjen n’ thumb plisin shqiptarë !

Keq Xhemajlin e ka qëllue ,

T’ vdekun n’ tokë e ka palue !

Thërret Jahiri:”Xhemajl, o vëlla,

Pa i pasë borxh, qysh me na vra?!

Haj , medet , kuku për mue ,

Allti n’ shokë, qysh s’ mu qëllue,

Vëllaun tem, sot me e pague ?!”

Aleksandër - zemër katile ,

Pa t’ pasë hak, as pa t’ pasë hile,

Qysh na e vrave këtë djalë shqiptarë ,

Zo’ , çka t’ bani , ty, plisi i bardhë?!

Fort Jahiri koka ngushtue ,

N’ Hajkobillë në shpi ka shkue .

Po e dvetë nana :”Ku asht Xhemajli?”

-Në Strezoc , na e vrau çyfari !

Aleksandar Stojanoviqi –

Klysh çetnik prej Rankoviqi !

Aleksandri prej Hajnocit –

Na e vrau vllaun n’ midis t’ Strezocit !

Ka nisë nana me vajtue –

Haj , medet, kuku për mue ,

Pse i lash djemtë n’ pazar me shkue ,

Kam pasë djalin me e martue !

Haj, medet, për këtë konak ,

Ma vrau shkau “bi gajri hak!”

Shumë kësi djemë na i kanë vra shkijet ,

S’ kanë dhanë kurrë farë përgjegjësie !

*****Kjo rapsodi është krijimi i parë në jetën time dhe është thurë në vitin 1966. Si shpërblim për këtë, Gjykata Komunale për Kundërvajtje në Kamenicë, më pati dënua me 60 ditë burg për kundërvajtje, nga shkaku që isha në moshën e mitur .

Demir KRASNIQI

(Vota: 2 . Mesatare: 5/5)