E marte, 29.11.2022, 10:28 AM (GMT)

Kulturë

Agim Gashi: Për këtë verë nanë do të vi

E diele, 26.06.2016, 08:01 AM


AGIM GASHI

 

PËR KËTË VERË NANË DO TË VI

 

Kohë e largët që kur ike

N´rrugë të botes u degdise,

Qaj me lotë e qaj me mall

Bir i nanes t´pres me ardhë;

Tridhet vjet n´mërgim që vate

A t´merr malli i kësaj balte?

 

Më le guri në rrokullimë

S´të vjen keq për Arbëninë,

S`të vjen keq për fushë e mali

Nanen bir e ka marr malli;

Me të pa, me hjek merzi

Me ti puth dy sytë e zi.

 

Bir, të them: më mbyti malli,

Me u pa po për së gjalli,

E marr krroqen dal te udha

Aty pari kalojnë burra;

Fort i kqyri mos je ti

Me lotë n´sy kthehem në shpi.

 

Këta lotë që po më tretin

Po e shtojnë ujin e detit,

Ulem rri nën hije fiku

Sikur zogu jashtë furrikut;

Nëse t´vjen shëndeti n´derë

Eja bir për këtë verë.

 

Hajt moj nanë ti dert mos ki

Edhe i smutë këtë verë do t´vi,

Se shumë nanë,  më mori malli,

Zemren time tanë e kalli;

Do t´ja zamë rrugën e mallit

Kur ti puth rrudhat e ballit.

 

Hajde bir të pret atdheu

Dhe flamuri i Skënderbeut,

Mos u plak por eja djalë

Të ndalim lotë,  të ndalim mall`;

Ska ma kandshëm, ska më mirë

Kur merren ngryk nanë e birë!

 

23.06.16

Düren



(Vota: 3 . Mesatare: 3.5/5)

Komentoni
Komenti:


Gallery

Pëllumb Gorica: Magjia e bukurive të nëntokës sulovare
Fotaq Andrea: Një vështrim, një lot, një trishtim – o Zot sa pikëllim!
Pëllumb Gorica: Grimca kënaqësie në Liqenin e Komanit
Shkolla Shqipe “Alba Life” festoi 7 Marsin në Bronx
Kozeta Zylo: Manhattani ndizet flakë për Çamërinë Martire nga Rrënjët Shqiptare dhe Diaspora